« តើខ្ញុំអាចចូលរួមនៅក្នុងសាសនាចក្របានតាមរបៀបណា ? » បុគ្គលប្ដូរភេទ ៖ ការយល់ដឹងអំពីខ្លួនឯង ( ឆ្នាំ ២០២០ )
« តើខ្ញុំអាចចូលរួមនៅក្នុងសាសនាចក្របានតាមរបៀបណា ? » បុគ្គលប្ដូរភេទ ៖ ការយល់ដឹងអំពីខ្លួនឯង
តើខ្ញុំអាចចូលរួមនៅក្នុងសាសនាចក្របានតាមរបៀបណា ?
មនុស្សទាំងអស់ត្រូវបានស្វាគមន៍ឲ្យចូលរួមការប្រជុំសាក្រាម៉ង់ ការប្រជុំថ្ងៃអាទិត្យផ្សេងៗទៀត ក៏ដូចជាព្រឹត្តិការណ៍ខាងសង្គមរបស់សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយផងដែរ ។ មានរបៀបជាច្រើនដើម្បីចូលរួមនៅព្រះវិហារ ទាំងនៅក្នុងការប្រជុំថ្ងៃអាទិត្យ និងនៅក្នុងសមត្ថភាពផ្សេងៗទៀត ដូចជាការហៅ និងគណៈកម្មាធិការ ។ អ្នកត្រូវបានលើកទឹកចិត្តឲ្យចូលរួម សកម្ម ហើយរកមើលឱកាសដើម្បីចែកចាយទេពកោសល្យ និងជំនាញរបស់អ្នក ដោយការបម្រើនៅក្នុងវួដ និងស្តេករបស់អ្នក ។
អស់អ្នកដែលចូលរួមត្រូវបានរំពឹងឲ្យចៀសវាងការរំខានដែលផ្ទុយពីការថ្វាយបង្គំ ឬគោលបំណងផ្សេងៗទៀតនៃការប្រជុំនោះ ។
ដោយសារកាលៈទេសៈទាំងឡាយខុសគ្នាយ៉ាងខ្លាំងពីវួដមួយទៅវួដមួយ និងពីមនុស្សម្នាក់ទៅមនុស្សម្នាក់ទៀត នោះប៊ីស្សព និងប្រធានស្តេកប្រឹក្សាជាមួយគណៈប្រធានតំបន់ដើម្បីកំណត់ពីរបៀបដើម្បីដោះស្រាយស្ថានភាពនីមួយៗដោយយល់ចិត្ត ដូចជាការប្រើប្រាស់បន្ទប់ទឹក និងការចូលរួមក្នុងការប្រជុំ និងសកម្មភាពផ្សេងៗ ។
ការចូលរួមរបស់សាសនាចក្រភាគច្រើនបំផុត និងពិធីបរិសុទ្ធបព្វជិតភាពមួយចំនួន គឺភេទអព្យាក្រឹត្យ ។ ឧទាហរណ៍ទាំងឡាយរួមមាន ការទទួលបុណ្យជ្រមុជទឹក និងពិធីបញ្ជាក់ ដោយទទួលទានសាក្រាម៉ង់ និងទទួលពរជ័យបព្វជិតភាពផងដែរ ។ ទោះជាយ៉ាងណា ការតែងតាំងបព្វជិតភាព និងពិធីបរិសុទ្ធនៃព្រះវិហារបរិសុទ្ធត្រូវធ្វើទៅតាមភេទពីកំណើត ។