« តើខ្ញុំជានរណា ? » បុគ្គលប្ដូរភេទ ៖ ការយល់ដឹងអំពីខ្លួនឯង ( ឆ្នាំ ២០២០ )
« តើខ្ញុំជានរណា ? » បុគ្គលប្ដូរភេទ ៖ ការយល់ដឹងអំពីខ្លួនឯង
តើខ្ញុំជានរណា ?
មិនថាអ្នកមានអារម្មណ៍ប្រតិព័ទ្ធផ្លូវភេទខ្លាំងប៉ុណ្ណាទេ វាគ្រាន់តែជាទិដ្ឋភាពមួយនៃបទពិសោធន៍ជីវិតរមែងស្លាប់របស់អ្នកប៉ុណ្ណោះ ។ របៀបដែលអ្នកគិតអំពីខ្លួនឯង អាចផ្លាស់ប្ដូរនៅក្នុងជីវិតរបស់អ្នក ។ សូមចងចាំថា ដំបូងបំផុត និងសំខាន់បំផុត អ្នកគឺជាបុត្រម្នាក់របស់ព្រះមាតាព្រះបិតាសួគ៌ ។ សូមយល់ពីអត្ថន័យនៃការធ្វើជាកូនរបស់ព្រះ ។
ប្រធាន ចយ ឌី ចូនស៍ បានបង្រៀន ៖
« ព្រះវិញ្ញាណ នឹងបញ្ជាក់ដល់យើងម្នាក់ៗអំពីតម្លៃដ៏ទេវភាពរបស់យើង ។ ការដឹងយ៉ាងប្រាកដថាអ្នកជា [ បុត្រ ] របស់ព្រះ នឹងជះឥទ្ធិពលលើគ្រប់រូបភាពនៃជីវិតរបស់អ្នក ហើយដឹកនាំអ្នកនៅក្នុងការបម្រើដែលអ្នកធ្វើជារៀងរាល់ថ្ងៃ ។ ប្រធាន ស្ពែនស៊ើរ ដបុលយូ ឃឹមបឹល បានពន្យល់ជាពាក្យសម្ដីដ៏រុងរឿងទាំងនេះថា ៖
« ព្រះជាព្រះវរបិតារបស់បងប្អូន ។ ទ្រង់ស្រឡាញ់បងប្អូន ។ ទ្រង់ និងព្រះមាតារបស់បងប្អូនដែលគង់នៅស្ថានសួគ៌ឲ្យតម្លៃអ្នកហួសពីការដែលអាចវាស់បាន ។ … អ្នកគឺពិសេសណាស់ ។ ជាមនុស្សម្នាក់ដែលបានបង្កើតឡើងដោយប្រាជ្ញាដ៏អស់កល្បជានិច្ច ដែលអ្នកអាចអះអាងយកជីវិតអស់កល្បជានិច្ចបាន ។
« ‹ ចូរកុំមានចម្ងល់ក្នុងចិត្តអ្នកអំពីតម្លៃរបស់អ្នកក្នុងនាមជាមនុស្សម្នាក់នោះឡើយ ។ បំណងទាំងមូលនៃផែនការដំណឹងល្អ គឺដើម្បីផ្ដល់ឱកាសដល់បងប្អូនរាល់គ្នាម្នាក់ៗឲ្យឈោងទៅដល់សក្ដានុពលដ៏ពេញលេញបំផុតរបស់បងប្អូន ដែលជាការរីកចម្រើនដ៏នៅអស់កល្បជានិច្ច និងលទ្ធភាពនៃភាពជាព្រះ › [ « Privileges and Responsibilities of Sisters » Ensign ខែ វិច្ឆិកា ឆ្នាំ ១៩៧៨ ទំព័រ ១០៥ ] ។ …
« … នៅពេលព្រះអង្គសង្គ្រោះលើកយើងឡើងមកកាន់ទីខ្ពស់ នោះយើងអាចមើលឃើញកាន់តែច្បាស់ជាងការគ្រាន់តែមើលឃើញថាយើងជានរណា ប៉ុន្តែយើងទៅកាន់តែជិតនឹងទ្រង់ ជាងយើងអាចនឹកស្រមៃដល់ » ( « Value beyond Measure » Liahona ខែ វិច្ឆិកា ឆ្នាំ ២០១៧ ទំព័រ ១៤–១៥ ការសង្កត់ន័យត្រូវបានដកចេញ ) ។