15. Ieriko

O loo faaalia i lenei ata laau i le aai o Ieriko o onapo nei. I aso anamua o Ieriko o le aai sa siomia i pa i le vanu o le Vaitafe o Ioritana, e 252 mita e maualalo ai i le maualuga o le fogasami. O le vanu o le eria lafulemu e uluola ai laau pama ma togamoli. I le tua o le ata o loo tu ai le mauga e masani ona taʼua o le Mauga o Faaosoosoga (Mata. 4:1–11).

O Mea Taua sa Tutupu: E latalata ane i lenei mea, sa muai sopoia e Iosua ma le fanau a Isaraelu le Vaitafe o Ioritana, ona ulu atu lea i le laueleele folafolaina (Iosua 2:1–3; 3:14–16). Sa faia faavavega e le Alii ia paʼuʼu pa i luma o le autau sa Isaraelū (Iosua 6; tagai foi i Epe. 11:30). Sa fetuuina le aai e Iosua (Iosua 6:26), o lea sa faataunuuina ai (1 Tu. 16:34). Sa faamagaloina e Elisaia vai o Ieriko (2 Tu. 2:18–22). Sa sopo atu le Faaola iinei i lona toe asiasiga i Ierusalema, ma faamalolo Patimaio le tauaso ma nofo ia Sakaio, o le telona (Mare. 10:46–52; Luka 18:35–43; 19:1–10). O le auala i Ieriko mai Ierusalema sa taʼua i le faataoto o le Samaria agalelei (Luka 10:30–37).