6. Laufanua Maupuepue o Iutaia

O le laufanua maupuepue o Iutaia e tusa ai ma le 56 kilomita le umi ma 27 kilomita le lautele. O le vaega tele o le laufanua e gaoa ma e faigata ona faatoʼa. E va maupuepue i vanu, e feoloolo foi le ola lelei o mea i ia vanu. O uluai sa Isaraelū sa nonofo i nei maupuepue, sa faaaogaina mo le puipuiga mai osofaiga mai tagata ese. O loo tu Ierusalema i lenei eria.

O Mea Taua sa Tutupu: Sa folafola atu e le Alii lenei laueleele ia Aperaamo ma lana fanau (Kene. 13:14–18; 17:8). Sa tanu Sara ma Aperaamo i le ana o Makapelu, i Heperona (Kene. 23:19; 25:9) Sa maua e Tavita o Ierusalema mai sa Iepuse (2 Samu. 5:4–9). E tele atu mea sa tutupu i nei maupuepue i le vaitaimi o le Feagaiga Tuai o loo faamaumauina nai lo soo se isi risone.