2. O le Mauga o Sinai (Horepa) ma le Vao o Sinai

O nei mauga lauiloa o tumutumu o Iepelu Musa (o le Mauga o Mose). E i ai ni tulaga e tele e mafai ona taʼuina o le Mauga o Sinai. O le tasi tulaga e sili ona taliaina o le Iepelu Musa.

O Mea Taua sa Tutupu: Sa afio mai le Atua ia Mose ma sa tuu atu ia te ia Poloaiga e Sefulu (Esoto 19–20). O Mose, Arona, ona atalii e toalua o Arona, ma toeaina e 70 sa vaai i le Atua ma talatalanoa ma ia (Esoto 24:9–12). Sa tuu atu e le Atua faatonuga ia Mose mo le fausiga o le fale fetafai (Esoto 25–28; 30–31). Sa taufai tapuai atu le fanau a Isaraelu i le tamai povi auro, o lea sa latou faatauanauina Arona na te fausia (Esoto 32:1–8). Sa sola Elia i lenei laueleele mai le Vanu o Isereelu, o le mea sa nofo ai le Masiofo o Iesepela (1 Tu. 19:1–18). O lenei nofoaga foi sa talanoa ai Elia ma le Atua (1 Tu. 19:8–19).