4. O Katesapanea

O le vaaiga i matu i sasaʼe lenei o le vanu tele ma le toafa o loo tu ai Katesapanea. O le vaitafe itiiti e tafe i le vaipalolo e faia ina ia fui lelei ma fua tele mai ai lenei nofoaga i Vao o Tisina.

O Mea Taua sa Tutupu: Ai lava o le nofoaga lenei sa aauina atu ai e Mose ni alii e 12 ina ia sipai matavao i le laueleele o Kanana (Numera 13:17–30). Sa faaaoga o se togalauapi taua mo sa Isaraelū mo le 38 tausaga mai le aofai o le toeitiiti 40 tausaga a o savalivali i le vao (Teu. 2:14). Sa maliu ma tanumia Miriama iinei (Numera 20:1). O le nofoaga lenei o le fouvale o Koru, le muimuiga o le nuu, ma le fua mai o le tootoo o Arona (Numera 16–17). E latalata ane i lea nofoaga sa taina ai e Mose le papa ona tafe mai lea le vai (Numera 20:7–11).