23. O le Sami o Kalilaia ma le Mauga o Faamanuiaga

A o vaai atu i saute i sisifo i luga o le tulimanu i matu i sisifo o le Sami o Kalilaia, o le vai tuloto magalo. E tu Tiperia i le itu mamao o le auvai ma le itu pito i tauagavale o le ata. O le maupuepue i le ogatotonu i le itu i luma o le ata o le tulaga faatalatuu o le Mauga o Faaamanuiaga. O Kapanaumi e tu i le itu tauagavale, i fafo o le ata.

O Mea Taua sa Tutupu: Sa i ai i inei le Faaola i aso e tele o lana auaunaga faaletino i lenei risone. O iinei sa ia vaalauina ma faauuina ai le au Aposetolo e Toasefululua (Mata. 4:18–22; 10:1–4; Mare. 1:16–20; 2:13–14; 3:7, 13–19; Luka 5:1–11), aoao atu ai le Lauga i le Mauga (Mata. 5–7), ma aoao atu ai i faataoto (Mata. 13:1–52; Mare. 4:1–34). O vavega sa ia faia e aofia ma nei vavega: sa ia faamaloloina le lepela (Mata. 8:1–4); sa faamaluina le afa (Mata. 8:23–27); sa tuliese ai le taulealea le lekeono o temoni, ona uluitino lea nei temoni i puaa ona taufetuli lea puaa i le sami (Mare. 5:1–15); sa toe faatu mai le afafine o Iairo nai e ua oti (Mata. 9:18–19, 23–26; Mare. 5:22–24, 35–43); sa fafaga tagata e 5,000 ma 4,000 (Mata. 14:14–21; 15:32–38); sa poloaiina ona soo e tuu ifo o latou upega, o lea sa latou maua ai ia e tele (Luka 5:1–6); sa faamaloloina tagate e tele (Mata. 15:29–31; Mare. 3:7–12); ma sa faaalia o ia lava ina ua maeʼa lona Toetu Mai ina ia aoao i ona soo (Mare. 14:27–28; 16:7; Ioane 21:1–23).