19. O Kaisareia ma le Eleele Laugatasi o Sarona e faasolo atu i Karamelu

A o vaai atu i matu i le uafu anamua o Kaisareia. E vaaia foi i le pito i luga o le ata le atu mauga o Karamelu.

O Mea Taua sa Tutupu: Sa tauva Elia ma perofeta pepelo a Paala i le Mauga o Karamelu (1 Tu. 18). O le Via Maris (o le Ala o le Sami), o se auala taua i ona po anamua, sa i ai i le itu i sasaʼe o Kaisareia. Ina ua maeʼa se faaaliga vaaia ofoofogia a o nofo o ia i Iopa, sa amata e Peteru le talaiga i Nuuese i le aoaoina o le taitai o le toaselau Roma sa igoa ia Konelio i Kaisareia (Galu. 10). Sa talai ma nofo Filipo iinei ma sa i ai ona afafine o e sa vavalo atu (Galu. 8:40; 21:8–9). Sa pagota Paulo i le aai i tausaga e lua (Galu. 23–26). Sa ia talai ia Filiki, Feso, ma Herota Akeripa Ⅱ, o le sa fai ane, “O se mea itiiti ona e faaliliuina lea o aʼu e fai ma Kerisiano” (Galu. 26:28).