9. O le Malumalu o Herota

O lenei ata o loo faaalia mai ai se fale sa fausia e fai ma se faatusa fuatonu o le malumalu o Herota e pei ona mafaufau i ai i le 67 T.A. O le pa o loo siosioina le malumalu ma isi fale e siomia ai le fale paia o loo i ai le Paia o Paia, le mea paia, ma lotoa tele e tolu.

O Mea Taua sa Tutupu: Sa aumaia e Iosefa ma Maria le tamameamea o Iesu i le malumalu (Luka 2:22–38). Sa aoao atu le Faaola i totonu o le malumalu ina ua 12 ona tausaga (Luka 2:41–46). Sa tulia e le Faaola e na sui tupe i le malumalu (Mata. 21:12–13) ma sa valoia le faaumatiaga o le malumalu (Mata. 24:1–2). E fausia se malumalu i le lumanai i Ierusalema (Eseki. 40–48; Saka. 8:7–9). (Tagai i le Taiala i Tusitusiga Paia, “Malumalu, Maota o le Alii.”)