26. O Kaisareia Filipo

E tu lenei punavai i lalo ifo o le Mauga o Heremoni. O le tasi o matavai o le Vaitafe o Ioritana. O Herota Filipo, le sa pule i lenei eria, sa faatuina se aai iinei e faamamalu ia Kaisara (lona Kaisa) ma ia lava; sa taʼua muamua le aai o Pania ae o ona po nei e taʼua o Pania po o Kaisareia Filipo.

O le Mea Taua sa Tupu: Sa fono faatasi le Faaola ma ona soo i Kaisareia Filipo. O iinei sa folafola atu ai e Peteru o le Faaola o le “Keriso, o le Alo o le Atua soifua.” Ona folafola atu lea e le Faaola ia Peteru “ki o le malo o le lagi” (Mata. 16:13–20).