21. O le Vanu o Isereelu

A o vaai atu i sisifo mai le tumutumu o le Mauga o Tapora e agai atu i se vaega o le Vanu o Isereelu. E ui ina mafaufauina o le Vanu o Isereelu o le vanu tele e tasi, o le mea moni o le vanu lea o le faasologa o vanu e sosoo ai le Eleele Laugatasi o Ako ma le Vanu o Ioritana ma le risone o le Sami o Kalilaia. O le vanu o Mekito, mo se faataitaiga, o loo tu i le vaega i sisifo o lenei vanu. O le Vanu o Isereelu sa avea ma le auala sili i le Laueleele Paia i le va o le Sami Metitirani i le itu i sisifo ma le Vanu o Ioritana i le itu i sasaʼe.

O Mea Taua sa Tutupu: O le auala sili lea sa sosoo ai Aikupito ma Mesopotamia sa ui atu i lenei vanu, o taua foi e tele sa tauina iinei (Faama. 1:22–27; 5:19; 2 Tu. 23:29–30). E amata le taua tele ma le mulimuli i lenei laueleele ma le taua o Amaketo, o lea e tauina ae lei oo i le Afio Faalua Mai o le Faaola, e maua lona igoa mai Ha Mekito, po o le Mauga o Mekito (Eseki. 38; Ioe. 3:9–14; Saka. 14:2–5; Faaa. 16:14–16).