28. O Tanu

Sa taʼua lenei aai anamua o Lesema (Iosua 19:47) po o Laisa (Faama. 18:7, 14) ae lei faatoilaloina e sa Isaraelū le laueleele. O punavai i lenei tulaga, atoa ma punavai i Kaisareia Filipo, o matavai silisili o le Vaitafe o Ioritana.

O Mea Taua sa Tutupu: Sa faasaoina Lota e Aperaamo (Kene. 14:13–16). Sa maua le eria e le ituaiga o Tanu ma sa faaigoaina ia Tanu (Iosua 19:47–48). Sa faatuina e Ieropoamo se tamai povi auro o le tasi mafuaaga sa paʼuʼu ai ituaiga e 10 i matu (1 Tu. 12:26–33). O Tanu o le aai pito i matu—o lea e taʼua i tusitusiga paia le laueleele o Isaraelu “e gata mai i Peresepa e gata mai i Tanu” (2 No. 30:5; O Peresepa o le aai pito i saute). (Tagai i le Taiala i Tusitusiga Paia, “Tanu.”)