15. Ieriko

Te tamnei aei e kaota kain aon Ieriko ni boong aikai. Ngkoa bon te kaawa ae oaki ni mwaruan te Karaanga are Ioretan, 252 te mita i aan tian taari. Bon te aono ae kaubwai n te ununiki ike a rangi ni maiu iai baam ae te date ao aoranti. Mai buki bon Maungan te Kaririaki ae ataaki n te aba (Mat. 4:1–11).

Bwaai aika Riki aika Kakawaki: I rarikin te tabo aei, Iotua ao tibun Iteraera a moan rinanon te Karaanga are Ioretan, n rin n te aba ni berita (Iotua 2:1–3; 3:14–16). E kamimi kabwakaan ona iroun te Uea i mataia aia tanga ni buaka tibun Iteraera (Iotua 6; taraa naba Ebera 11:30). Iotua e katuka te maraia i aon te kaawa (Iotua 6:26), are e koro bukina (1Uea 16:34). Eritai e kamarurunga ranin Ieriko (2Uea 2:18–22). Te Tia Kamaiu e rikai n Ana kabanea n tai ni kawara Ierutarem, ni kamarurunga te mataki ae Batimaea ao e tiku iroun Takaio, te tia ikoikota ana mwane te uea (Mar. 10:46–52; Ruka 18:35–43; 19:1–10). Te kawai nako Ieriko mai Ierutarem e kaotaki n te taetae ni kaikonaki ibukin te I-Tamaria ae raoiroi (Ruka 10:30–37). Taraa BK Ieriko.