25. Karaanga are Ioretan

Te Karaanga are Ioretan e moa mai meangin Naman Kariraia, e raanga nako nanona, ao e reitinako aiaki nakon Taari are Mate. E raweaki te tamnei aei i rarikin nnen otinakon ranin te karaanga man te Nama are Kariraia.

Bwaai aika Riki aika Kakawaki: Rota e rinea te aba ae aoraoi i Ioretan bon ibukina (KB 13:10–11). Iotua e karaurei raan, bwa aonga tibun Iteraera n rinanona nakon te aba ni berita (Iotua 3:13–17; 4:1–9, 20–24). Eria ao Eritai a karaurei raan (2Uea 2:5–8, 12–14). E toki reberan Naaman (2Uea 5:1–15). Ioane te Tia Bwabetito e bwabetitoia aomata aika bati, ni ikotaki ma te Tia Kamaiu (Mat. 3:1–6, 13–16). (Taraa BK Karaanga are Ioretan.)