29. Atenai

Te tamnei aei, e raweaki man te Areiobako (Tabuki are Mars) e kaota te Acropolis i Atenai, nneia atuaia bekan aika mwaiti ni katanaki. Atenai bon kautun kaawan Erene ngkoa ae Atika ao ni bongin te Nu Tetemanti e bon mena i nanon ana burawinti Rom ae Akaia. E aranaki bwa karinean atuaia te aine bekan i Erene ae Athena. Ni bongin te Nu Tetemanti, Atenai e a bua angiin kakannatona ao tamaroana, ma bon iai bouan anti ao kanuringa nakoia atua ao atua aine aika mwaiti, ni ikotaki ma te “Atua ae Aki Ataaki” (Mwak. 17:23).

Bwaai aika Riki aika Kakawaki: Te Abotoro ae Bauro e kawara te kaawa ao e taekina ana kabwarabwara i aon te “Atua ae Aki Ataaki” i aon te Tabuki are Mars (Mwak. 17:15–34). A kanakoaki mitinare mai Atenai nakon taabo riki tabeua i Erene (1Teta. 3:1–2).