2. Maunga are Tinai (Oreba) ao te Rereua are Tinai

A mwaiti taabo are a kona ni katautauaki bwa nnen te Maunga are Tinai. Teuana te tabo n te aba bon Iebera Mutia (Maungan Mote), e oti tamneina ikai.

Bwaai aika Riki aika Kakawaki: E kaoti te Atua nakon Mote ao e anganna Tua ake Tebwina (Otin. 19–20). Mote, Aaron, uoman natin Aaron mwaane, ao 70 unimwaane a noora ao a taetae ma te Atua (Otin. 24:9–12). Te Atua e angan Mote kaetieti ibukin katean umwana (Otin. 25–28; 30–31). I-Iteraera a taromauria te kao te tei ae te koora are a kaira nanon Aaron bwa e na karaoia (Otin. 32:1–8). Eria e birinako nakon te aba aei man te Mwarua are Ietireera, ike e maeka iai te Uea n aine ae Ietebera (1Uea 19:1–18). Aio naba te tabo are e taetae iai Eria ma te Atua (1Uea 19:8–19). (Taraa BK Tinai, Maunga are.)