28. Tan

Te kaawa aei n taai ake ngkoa ae Tan e aranaki bwa Rekem (Iotua 19:47) ke Raiti (TMT 18:7, 14) i mwaain ae a taua te aba I-Iteraera. Koburake n ran ake a mena n te tabo aei, ni ikotaki ma koburake n ran ake i Kaitareia Biribi, bon oin reken ranin te Karaanga are Ioretan. Nnen ana tembora Ieroboam e oti tamneina ikai.

Bwaai aika Riki aika Kakawaki: Aberaam e kamaiua Rota (KB 14:13–16). Ana baronga Tan a taua te aono aei ao a aranna bwa Tan (Iotua 19:47–48). Ieroboam e katea te tembora ae tiaki te oi ma te kao te ataei ae te koora are karika bwakaia baronga ake tebwina mai meang (1Uea 12:26–33). Tan bon ana kaawa Iteraera are te kabanea mai meang—ngaia are e taekinaki ni koroboki aika tabu bwa aban Iteraera “mai Beerateba n toki i Tan” (2Rong. 30:5; Beerateba bon te kabanea ni kaawa mai maiaki). (Tara BK Tan.)