8. Ierutarem

E kaitara meang riaon Ierutarem. I nukan te tamnei bon aia tabo n taromauri Muslim ma taubukina ae mron ae kabiraki n te koora, ae aranaki bwa Ana Taubuki ae Mron te Bwa. Iutaia a taromauri n tai ake ngkoa i nanon tembora aika tei ikai. Taian o i rarikin Ana Taubuki ae Mron te Bwa e katobibia te kaawa ni kawai ae Ierutarem. N te atai man te o bon te Mwarua are Kiteron. N te atai mai buki, i tinanikun te tamnei, bon te Maunga are Oriweta. Nako meang, i akun Ana Taubuki ae Mron te Bwa, te tabo are katautauaki bwa Korokota, ke Karewari.

Bwaai aika Riki aika Kakawaki: Ierutarem e aranaki bwa Tarem n taai ake ngkoa (TAre. 76:2). Aberaam e anga kabwianibwai nakon Merekitereka (KB 14:18–20). E roko Aberaam bwa e na anga Itaaka bwa te karea (KB 22:2–14). Te Uea ae Tawita e taua Ierutarem mai irouia tibun Iebuti (2Tamu. 5:4–9). Te Uea ae Toromon e katea te tembora (1Uea 6–7). Riaai e kitanna n nako nakon te aba ni berita (1Nib. 1:4; 2). Te Tia Kamaiu e karaoi mwakuri ni ibuobuoki, e karaoa te mwakuri ni kamaiu ibukin ara bure nako, ao e mangauti (Mat. 21–28). N aron are e taetae ni burabetia te Tia Kamaiu, e kamaunaki Ierutarem n te tai ae e aki maan i mwin matena (IT—M 1:3–20). Ierutarem e na niniaki ni boong aika kaitira (Etek. 38–39; Ioera 2–3; Kaoti. 11; 16). Te Tia Kamaiu e na kaoti ikai bwa kanoan Kauaokina (Tek. 12–14; R&B 45:48–53). (Tara BK Ierutarem; Tarem.)