21. Mwarua are Ietireera

E kaitara maiaki-maeao mai taubukin te Maunga are Tabora nakon mwakoron te Mwarua are Ietireera, are ataaki naba bwa te Aba ae Aoraoi ae Etiteraeron. E ngae ngke te Mwarua are Ietireera e aki toki ni iangoaki bwa teuana te Mwarua ae Korakora, ma ni koauana bon taian mwarua aika reitinako ake a toma te Aba ae Aoraoi ae Ako ma te Mwarua are Ioretan ao aonon Naman Kariraia. Te katoto, mwarua are Mekito e mena ni mwakoron te mwarua aei mai maeao. Mwarua are Ietireera bon oin te kawai rinanon te Aba ae Tabu i marenan Taari are te Meteterenian nako maeao ao te Mwarua are Ioretan nako mainiku.

Bwaai aika Riki aika Kakawaki: Te kawai are te oi are e tomaa Aikubita ao Metobotamia e rinanon te mwarua aei, ao a mwaiti aitara ni buaka ikai (TMT 1:22–27; 5:19; 2Uea 23:29–30). Te kabanea ni buaka ae korakora n te aba aei e na moanaki ma te buaka i Aremaketon, are e na buakanaki i mwain Kauaokin te Tia Kamaiu; e reke arana man Ara Mekiton, ke Maungan Mekito (Etek. 38; Ioera 3:9–14; Tek. 14:2–5; Kaoti. 16:14–16).