4. Kateti-bwanea

Aio bon tarakin mwaruan te karereua ae korakora mai meangmainiku (e aranaki naba bwa wadi) are e mena iai Kateti-bwanea. Te karaanga are uarereke e raanga nako ikai n tain te kakarau are karika aio bwa te tabo ae kamwaimwaiaki raoi ao e kariki ua n rereuan Zin.

Bwaau aika Riki aika Kakawaki: Te kaantaninga bwa aio bon te tabo are Mote e kanakoia mai iai 12 mwaane aika taan karekea rongorongon te aba ae Kanaan (WI 13:17–30). E riki bwa oin aia tabo ni kaembwa I-Iteraera i nanon 38 te ririki n aia 40 n ririki n nakonako n te rereua (TK 2:14). Miriam e mate ao e taunaki ikai (WI 20:1). Aio bon te tabo are e kaitara iai Kora, ngurengureia aomata, ao bwebweraken ana kai Aaron (WI 16–17). E orea te bwa Mote i rarikin te tabo aei ao e tinako te ran (WI 20:7–11).