20. Iobe
Tamnei
tamnei 20
E kaitara meang maeao i etan te matabaiawa n te kaawa ae Iobe.
Bwaai aika Riki aika Kakawaki: Iona e nako Iobe bwa e na tokara te kaibuke nako Taretiti (Iona 1:1–3). Iobe bon te matabaiawa are e kabongana Toromon ao rimwi riki Terubabera ngke a uoti kaai man te buakonikai n tiira i Rebanon ni katea aia tembora (2Rong. 2:16; Etira 3:7). Ikai are e kauta Tabita man te mate, are e ataaki naba bwa Toreka (Mwak. 9:36–43). Betero e karekea naba te mi ni burabeti ibukia maan aika itiaki ao aika aki itiaki, ni kaota nakoina kainnanoan te mwakuri ni ibuobuoki i buakoia Tientaire (Mwak. 10). Orson Hyde e roko ikai bwa e na katabua te Aba ae Tabu n te 1841.