1 Pues matto i tiempo na guahu, si Nephi, matto yu’ tatte ginen kumuentos yan i Saina, guatu gi tento’ tata-hu.

2 Pues matto i tiempo na ha kuentusi yu’ si tata-hu. Ilek-ña: Guaha guinifi-hu, ya gi guinifi-hu ha kumanda yu’ i Saina para un bira hao yan i mañe’lu-mu tatte para Jerusalem.

3 Sa’ si Laban ha chuchule’ i notan i Judios siha yan lokkue’ i tinige’ i rasan i guello-ku siha, ya manma matka gi plegon bronse.

4 Entonses, i Saina ha kumanda yu’ na hagu yan i mañe’lu-mu debi di en fanhanao para i gima’ Laban, ya en espiha i nota siha, ya en chule’ para i halom tano’.

5 Pues, i mañe’lu-mu siempre manggonggong, ya ilek-ñiha na makkat mampos i finaisesen-hu nu siha, lao ti ginen guahu, na ginen i otden i Saina.

6 Entonses, hanao, i lahi-hu, ya siempre ha faburesi hao i Saina, sa’ ti kumekuentos hao.

7 Pues matto i tiempo na guahu, si Nephi, ilek-ku gi as tata-hu: Bai hu hanao ya bai hu cho’gue ayu siha i tinago’ i Saina, sa’ hu tungo’ na i Saina ti u fanna’i otden siha para i famagu’on taotao, solu ha pripara i chalan para u ma kumple i tinago’-ña siha.

8 Pues matto i tiempo na anai ha hungok si tata-hu este siha, sen magof sa’ ha tungo’ ha’ na binendisi yu’ ni’ Saina.

9 Pues guahu, si Nephi, yan i mañe’lu-hu siha in tutuhon i biahen-mami para i halom tano’ ya in chile’ i tento’-mami, para guatu Jerusalem.

10 Pues matto i tiempo anai manhanao ham hulo’ para Jerusalem, na manakonsutta ham ni’ mañe’lu.

11 Pues in disidi ginen chansa, ya guaha in halla kada unu giya hami — hayi para u hanao para i gima’ Laban. Pues matto i tiempo na poddong gi as Laman; ya si Laman humanao gi gima’ Laban, ya ha kuentusi anai mata’chong gi gima’-ña.

12 Ya ha gagao si Laban i nota siha ni’ manma matka gi plegon bronse, anai gaige i notan i rasan tata-hu.

13 Pues matto i tiempo ya sen lalalo’ si Laban, ya ha dulalak huyong, ya ti malago’ ha na’i nu i plegu siha. Pues, ilek-ña giya guiya: Hagu sakke, ya bai hu puno’ hao.

14 Lao malagu si Laman ya ha sangani ham nu i bida-ña si Laban. Pues in tutuhon mantriste ya i mañe’lu-hu ma pripara siha para u fanhanao tatte gi as tata-hu gi halom tano’.

15 Lao ilek-hu giya siha: Mientras ha’ lala’la’ i Saina yan hita, ti siña ta bira hit tatte as tata-ta gi halom tano’ estaki ta kumple i tinago’ i Saina.

16 Pues nihi ya ta famfiet umosge i otden i Saina, pues nihi ta fanhanao papa’ para i tano’ ni’ irensian tata-ta, sa’ atan, ha po’lo todu i oru-ña yan plata-ña, yan todu i guinaha-ña. Ya todu este ha cho’gue put i otden i Saina siha.

17 Sa’ hu tungo’ na para u ma destrosa Jerusalem put i mambinaban i taotao guihi.

18 Ya atan, ma rinunsia i fino’ i prufeta siha. Pues, si tata-hu yanggen sumaga ha’ gi tano’ anai esta ma sangani para hu u dingu, pues, kontodu guiya lokkue’ siempre u matai. Pues, debi di u dingu i tano’.

19 Pues, ginen i tinemtom Yu’os na debi di ta chule’ este siha na nota, kosaki siña ta na’i i famagu’on-ta i lengguahen i tata-ta siha.

20 Pues lokkue’ para ta goggue para siha i fino’ i santo na prufeta siha, ni manma na’i ginen i Espiritu yan alentos Yu’os, desde anai ma tutuhon i tano’, asta pa’go.

21 Pues matto i tiempo despues di este na maneran lengguahi, na hu kombense i mañe’lu-hu, kosaki mamfiet para ma osge i otden Yu’os siha.

22 Pues matto i tiempo na manhanao ham papa’ para i tano’ ni’ irensian-mami ya in rikohi siha i oru yan plata yan otro siha na prisiosu na kosas-mami.

23 Pues anai in rikohi este siha, manhanao ham hulo’ ta’lo para i gima’ Laban.

24 Pues matto i tiempo na in fana’ si Laban, ya in faisen nu i nota siha ni’ manma matka ni’ plegon bronse, ya para bai in na’i nu i oru, plata yan prisiosu na kosas-mami.

25 Pues matto i tiempo na anai ha li’e’ sa’ Laban i prupi’edat-mami, ya mampos meggai, ha e’gu’i i kosas siha, pues ha dulalak ham huyong, ya ha agang i setbiente-ña siha para u ma puno’ ham, sa’ para u chule’ i prupi’edat-mami.

26 Ya matto i tiempo na manmalagu ham antes di manmatto i setbienten Laban, ya ti in chile’ i prupi’edat-mami, ya sumaga gi kannai Laban.

27 Pues matto i tiempo na manmalagu ham gi halom tano’, ya i setbienten Laban ti ma gacha’ ham, ya manattok ham gi un liyang.

28 Pues matto i tiempo na bumubu si Laman nu guahu, yan gi as tata-hu lokkue’; yan kontodu si Lemuel, sa’ ha ekungok i fino’ Laman. Pues si Laman yan Lemuel meggai makkat siha fino’-ñiha giya-hami, i heben na mañe’lon-ñiha, ya ma galuti ham nu i balas.

29 Pues matto i tiempo na anai ma galuluti ham nu i balas, matto un anghet Yu’os ya ha kuentusi siha, ilek-ña: Hafa na en galuluti i che’lu-mu nu i balas? Ti en tingo’ ada na inayek ni’ Saina para en fangginibietna, ya este put ginen i binaban-miyu? Fanhanao talo’ hulo’ para Jerusalem ya i Saina siempre hu diliba si Laban gi kannai-miyu.

30 Pues anai monhayan i anghet kumuentusi ham, humanao.

31 Pues anai humanao i anghet, duru ta’lo si Laman yan Lemuel gumonggong, ya ilek-ñiha: Taimanu i Saina ha diliba si Laban gi kannai-ta? Gai nina’siña na taotao, ya siña ha kumanda singkuenta, hunggan, kontodu siña ha puno’ singkuenta, pues hafa bali-ta?