Kapitulu 7
I lalahen Lehi ma bira siha tatte para Jerusalem ya ma enggancha si Ishmael yan i familia-ña nu i kaoson-ñiha — Si Laman yan otro siha maninatborota — Si Nephi ha pagat i mañe’lu-ña para u famfiet para i Saina — Ma fuhot gui’ ni’ tali ya ma planeha i para ma destrosu-ña — Lumibre ginen i alentos hinengge — Manggagao inasi’i i che’lu-ña siha — Si Lehi yan i kompaña-ña ma ufresi sakrifisiu yan sinenggen ufresimiento.
1 Pues ya-hu na en tingo’ na anai monhayan si tata-hu, Lehi, ha prufisiha put i simiya-ña, matto i tiempo na kuinentusi nu i Saina ta’lo, ya ilek-ña na ti maolek na si Lehi para u konne’ i familia-ña gi halom tano’ solamente, lao debi di i lalahi-ña u fanmangonne’ famalao’an para asaguan-ñiha, kosaki siña ma poksai hulo’ i simiyan-ñiha para i Saina gi tano’ prumesa.
2 Pues matto i tiempo na i Saina ha kumanda yu’, si Nephi yan i mañe’lu-hu para bai in bira ham tatte para Jerusalem, ya bai in kenne’ papa’ gi halom tano’ si Ishmael yan i familia-ña.
3 Pues matto i tiempo na guahu, si Nephi, yan i mañe’lu-hu manhanao ham ta’lo papa’ para i halom tano’ para bai in fanhanao para Jerusalem.
4 Pues matto i tiempo na manhanao ham para i gima’ Ishmael, ya manmagof ham anai in li’e’, ya in kuentusi gui’ ni’ fino’ i Saina.
5 Pues matto i tiempo na i Saina ha na’maggem i Saina i kurason Ishmael yan i familia-ña, ya ma dalalak ham papa’ para i tento’ tata-hu gi halom tano’.
6 Pues matto i tiempo anai manhahanao ham papa’ para i halom tano’, si Laman yan Lemuel, yan dos na hagan Ishmael, yan i dos na lahen Ishmael yan i familian-ñiha, manatborotao giya hami; hu’u, kontra guahu, si Nephi, yan Sam, yan i tatan-ñiha si Ishmael, yan i asagua-na, yan i otro tres na haga-ña.
7 Pues matto i tiempo gi atborotao-ñiha, ma diseha para u ma bira siha tatte para Jerusalem.
8 Pues guahu, si Nephi, triste yu’ ni mahettok kurason-ñiha, ya hu kuentusi siha, ilek-ku hunggan, kontodu as Laman yan Lemuel: Atan hamyo dos amko’ na che’lu-hu, hafa na sen mahettok kurason-miyu, yan bachet i matan-miyu, ya en nisisita na guahu, i heben na che’lon-miyu para en fangkuinentusi, yan guahu para mudelon-miyu?
9 Hafa taimanu na ti en e’ekungok i fino’ i Saina?
10 Taimanu na manmaleffa hamyo na en li’e’ i anghet i Saina?
11 Hu’u, yan taimanu na manmaleffa hamyo ni’ dangkolo na fina’tinas i Saina para hita anai ha diliba hit huyong gi kannai Laban, yan lokkue’ na para u ta chule’ i nota siha?
12 Hu’u, yan taimanu na manmaleffa hamyo na i Saina todu siña ha cho’gue ni’ malago’-ña, para i famagu’on taotao, yanggen manmetgot hinenggen-ñiha giya guiya? Entonses, nihi ya ta famfiet giya guiya.
13 Pues yanggen metgot hinengge-ta giya guiya, siempre ta hentan i tano’ prumesa; ya en tingo’ na gi mamaila’ na tiempo siempre u ma kumple i fino’ i Saina put i minayulang Jerusalem; sa’ todu i ha sangan i Saina put i minayulang Jerusalem siempre ma kumple.
14 Ya ekungok, sa’ i Espiriton i Saina taigue giya siha; sa’ ma rinunsia i prufeta siha, ya ma daggao gi presu si Jeremiah. Ya ma espiha para u ma puno’ si tata-hu, esta ma dulalak huyong gi tano’.
15 Pues, hu sangani hamyo na yanggen en bira hamyo tatte Jerusalem, siempre matai hamyo lokkue’ yan siha. Pues, yanggen guaha iyon-miyu sileksion, hanao hulo’ gi tano’, ya hasso i fino’-hu, na yanggen humanao hamyo, siempre matai hamyo lokkue’; sa’ i Espiriton i Saina ha afuetsas yu’ para bai hu kuentos.
16 Pues matto i tiempo na anai guahu, si Nephi, hu sangan este siha gi mañe’lu-hu, mambubu giya guahu. Pues matto i tiempo na ma po’lo i kannai-ñiha giya guahu, sa’ mansen lalalo’, ya ma godde yu’ nu i tali, sa’ manmalago’ ma puno’ yu’, ya para bai hu ma sotta gi halom tano’ para bai ma kanno’ ni machalek na gaga’ siha.
17 Lao matto i tiempo ya manaitai yu’ para i Saina, ilelek-ku: O Asaina, konsiste gi hinengge-ku giya hagu, kao siña un diliba yu’ ginen i kannai i mañe’lu-hu; hu’u, yan un na’i yu’ fuetsa kosaki siña u pula’ este i ma godde-ku.
18 Pues matto i tiempo na anai hu sangan este, maktos i gedde gi kannai-hu yan addeng-hu, ya tumohge yu’ gi me’nan i mañe’lu-hu ya hu kuentusi siha ta’lo.
19 Pues matto i tiempo, na mambubu giya guahu ta’lo, ya ma espiha para bai hu ma puno’; lao, unu na hagan Ishmael, hunggan, yan si nana-ña, yan unu na lahen Ishmael, ma bense i mañe’lu-hu, ya nina’maggem i kurason-ñiha, ya mamara ma espiha para bai hu ma puno’.
20 Pues matto i tiempo na manmañotsot, sa’ i baban-ñiha, ya manekkon gi fi’on-hu, ya ma bense yu’ para bai hu asi’i siha put i bidan-ñiha siha giya guahu.
21 Pues matto i tiempo na hu despensa siha ni’ bidan-ñiha, ya hu pagat siha para u fanmanaitai para i Saina i Yi’os-ñiha para mina’ase’. Pues matto i tiempo na macho’gue. Ya anai monhayan manmanaitai para i Saina, in kontenuha i biahen-mami para i tento’ tata-hu.
22 Pues matto i tiempo na manmatto ham papa’ gi tento’ tata-hu. Ya despues di manmatto ham todu, guahu yan i mañe’lu-hu, yan i familian Ishmael, manmanna’i agradisi-miento para i Saina ni’ Yi’os-ñiha; ya ma ufresi sakrifisiu yan sinenggen ufresimiento para guiya.