1 Elechang e ngak el Nephi a diak el sebechek el lmuches a ikel rokui el tekoi el kullisechakl el mo er a re chedak; ng dirrek el diak meduch el meluches el uaia kungedecheduch; le chad sel longedechedach loba klisichel a Edaol Reng, ea klisiichel Edaol Reng a ngmai ikel tekoi el mo er a rengrir a re chad.

2 Endi te ngar ngii a re betok el mo medecherecher a rengrir lomtok er a Edaol Reng, meng mo diak le borngii er tir; Seia uchul me te chemoit a betok el tekoi le lluches el lekong diak a ultutlel.

3 Endi ngak el Nephi a mla lmuches a ikel bla kluches, el kudngel meklou a ultutelel, oumesind el mo er a rechedak. Leng rokui el sils el kululuuch el kirir, me a le klebsei ea chillek a di mo dkims er a iuechel a medak el kirir. Akuba klaumerang e lmangel mo er a Dios, me a kmedngel kmo, ng mo remenges a nglunguchek.

4 Me a kmedngel kmo a Rubak el Dios a mo chemedaol a nglunguchek meng mo bedochel el kirir a rechedak. Me a ikel tekoi el kliluches er a telitur re ngak a mo msisiich el mor tir; leng mengususeu er tir el mo meruul a ungil tekoi; ngouchais er tir er a redemerir er a irechar; e melkoi el kirel a Jesus, e mengususeu er tir el mo oumerang er Ngii, e outekangel mo er a ulebongel el ngii a diak a ulebngelel klengar.

5 E mesisiich el melkoi lomtok a klengit, loltirakl er a bleketakl el klemrang; meng diak a chad el mo kesib a rengul er a ikel kulluches, ngdi merekmo ngikel loba a chedul a diablong.

6 A kuetkeu er a beot e blektakl; a kuetkeu er a klemrang; a kuetkeu er a Jesus, leng mlaseblii a delbengek er a beluu er a ringel.

7 Ng ngarngii a klechubechub er ngak el kirir a rechedak, me a klou el klaumerang re ngak er a Kristo el kmo, ak momes er a rebetok el klikiid el ngar er medal a kingellel er a kerrekriil.

8 Ng ngarngii a klechubechub er ngak el mo er a re chiJew – Ak melekoi el kmo rechi Jew, el kirir tir kel ngar sei el kiblar ngii el mei.

9 Ng dirrek el ngarngii a klechubechub er ngak el mo er a re Isentael. Endi diak er tirkang a mo er a klungiaol alsekum eng diak bo loldak er tir el mor a Kristo, el siseb er a chelsel a chibutek el siseball, e lomdid er a melmalt el rael mo er a klengar, e lolemolm er a rael mor sel lulebongel sils er tia el telkael klengar.

10 Elechang e betik er a renguk lodam er ngak, me a re chiJews, me kemiu el beluulechad er rokui, morrenges a ika el tekingek me bo moumrang er a Kristo; Alsekum eng diak moumrang a ika el tekoi, bo moumrang er a Kristo. Ea lsekum ko moumrang er a Kristo, e ko moumrang a ika el tekoi, le ikang a tekingel a Kristo eng milskak; a ikang olisechakl er a rokui el chad el mo meruul a ungil tekoi.

11 Alsekum ke kmo a ika diak el tekingel a Kristo, e tia di kau kung er a uldesuem, le Kristo mochotii er kau loba klisiich me a klou el klebkall el kmo ngii a tekingel er a uriul klebesei; me kau me ngak a mo dechor el chachuchau er medal a teblel, me komo medenge el kmo ngak a mlo durech er ngii el mo meluches a ika el tekoi, e mlar ngii a chelitechetuk.

12 Me a kmeluluuch el mo er a Edam loba ngklel a Kristo, me bole betok er kid, alsekum ngdiak el kid er rokui a mo suobel er a rengedel er sel luriul e klou el sils.

13 Elcha e betik er a renguk lodam er ngak, me tirkel rokui el chad er a blai er a Israel, me kemiu el beluulechad er rokir, ak melkoi er kemiu el uaia ngerel a lmangel ngara chebechab: Mechikung me sel le merkung sel klou el uriul sils.

14 Elcha kau el diak el soam el ngmai a klungiolel a Dios, me ka mongull a tekingir are chiJews, me a tekingek, me a tekoi el ngii a mo tuobed er a ngerel a Sib er a Dios, elecha kmelmesumech el mo cherechar, le a ika el tekoi a mo melbeakl er kemiu er a uriul klebsei.

15 Le ikel ngak a remenged er a beluulechad a mo chomtok er kemiu er a tebel er a kerrekriil; le aikang a Rubak a diluer ngak meng kirek el mo oltirakl. Boluaisei.