1 Kamosang, a tara klebsei e ngak el Nephi a lilangel mo er a Rubak el Dios er ngak, el kirir a rubekuk el mlo kesib a rengrir.

2 A klsbengel a rengrir a di mirrael mo el mocha sorir el melai er a klengar re ngak.

3 Oi, te mlengiremrum er ngak el kmo: a kekrei lochelled alkong mo merreder er kid; ngii a uchul a betok el ringel el bla debo er ngii; mei me dokodir e kede kmal chormang er a omelkingel. Ng diak a rolel e bo lorredel er kid; kid a meklou meng kired el merreder er tirka el chad.

4 Chelechang diak bo kuluches er a ikal tibereberk el klalo a ikel rokui el tekingir a longiremrum er ngak. Ngdi soak el kmo ng mlo sorir el melai er a klengar re ngak.

5 Me a tara klebesei ea Rubak a dilu er ngak el Nephi el kmo, mchiis er tir kau me tirke el rokui el sorir lobengkem.

6 A tara klebesei e ngak el Nephi a ngiluu a telungalk er ngak, me a Zoram me a telungalk er ngii, me a Sam el lobekuk me a telungalk er ngii, me a Jakob me a Josef el mekekrel lochellek, me a rochedak me tirkel mlo sorir lobengkek. Tirkel mlo sorir lobengkek tirkel tir a mlo oumerang a tekingel me a chocholt er a Dios, me te mlo orrenges a tikingek.

7 Me a kimocha ngmai a tento er kemam me a ikel rokui el kloklam el mle sebechemam el ngmai, e mirrael betok el klebsei e mo er cheroid loreomel. A uriul er a betok el klebsei el ki morael ea ki mocha omkedechor a tento er kemam.

8 Ea re chedak a mle sorir aki momekedong er tial basio el kmo Nephi; me aki mlo omekedong er ngii el Nephi.

9 Me tirkel rokui lulebengkek a mlo ditir lomekedong er tir el kmo, chad er a Nephi.

10 Me a kimlo kerkikl loltirakl a telbiil, me a llach me a tekingel a Rubak er a rokui el tekoi, loltirakl a llechul a Moses.

11 Me a Rubak a ulebengkemam, me a kimirael kmal mlo ungil besemam; le ki millalem e meritm el mle obdois. E mlo omkeroul a suebek el charm, me a merael er a chutem el charm me a betok el bedengel a charm.

12 E ngak el Nephi a dirrek el ngilai a ike el rekord el blotk er a ikel tibereberk el sintsyu; me sel mechibeob el klalo el kombas, el chimal a Rubak a kildmeklii el mo er a demak, el mo oltirakl a ikel le lluches er ngii.

13 Meng di mirrael kmal mlo ungil besmam me a rechad a mirrael mo obdois er a beluu.

14 Chelcha ngak el Nephi a ngiluu sel saider er a Laban el mei, e riruul a betok el saider el di uai ngii; le kimlo bekikl er a rechad el rechedal a Laman a ngklir a le mei el tomellemam; le kmedngei a ngesechel a renegrir el kirek ngak me a rengelekek me tirkel lomekedong er tir el kmo te chedak.

15 Ak mlo olisechakl er a rechedak el lomkedechor a blai, me a betok el teletelel a ureor er a kerrekar, me a deel, me a bekerekard el deel, me a sintsyu, me a dorot el deel me a kolt me a silber, me a betok el meringel chad el klalo el kmal mle betok.

16 Me ngak el Nephi a milkedecherur a templo; ak mirruul er ngii el uaia teletelel a templo er a Solomon; endi dimlak el sal betok el meringel chad el klalou a mlar ngii, leng dimlak kibetik er tial beluu, me a uchul eng dimlak bole uaia templo er a Solomon. Endi teletelel a waia templo er a Solomon, me a urelel a mle okedeldaol meng merael mle meringel chad.

17 Ngak el Nephi, a ulerrimel er a rechedak me boel meses, e loureor lousbech a chimorir.

18 Elechang mlo sorir ngak a bo king er tir. Endi ngak el Nephi a dimlak el soak a le borngii a king; endi ak mloer sel sebechek lolengeseu er tir.

19 Elecha tekingel a Rubak a mla tmaut el le dilung el mo er a rubekuk el kirir el kmo el ngak a mo merreder e mo olisechakl er tir. Meng tekingel a Rubak a uchul me a kmlo merreder e olisechakl er tir el molmuut er sel taem er a bloel sorir el mlai er a klengar rengak.

20 Me a tekingel a Rubak a dimlo tmaut el le diluer ngak el kmo; alsekum eng modiak lorrenges a tekingem, etemo modik er medal a Rubak. Miseia uchul e te mlo dik er medal.