፩ እነሆም፣ እንደ ምድጃ እሳት የሚነድ ቀን ይመጣል፤ እናም ትዕቢተኞች ሁሉ አዎን፣ እናም ኃጢያትን የሚሰሩ ሁሉ ገለባ ይሆናሉ፤ የሚመጣውም ቀን ያቃጥላቸዋል፤ ሥርንና ቅርንጫፍንም አይተውላቸውም ይላል የሠራዊት ጌታ።

፪ ነገር ግን ስሜን ለምትፈሩ፣ ለእናንተ የፅድቅም ልጅ ፈውስን በክንፎቹ ይዞ ይነሳል፤ እናንተም ትወጣላችሁ እናም እንደጥጃም በበረት ታድጋላችሁ።

፫ እናም ክፉዎችን ትረግጡአችዋላችሁ፤ እናም ይህንን በምሰራበት ቀን በደለኞች ከእግራችሁ ሥር አመድ ይሆናሉ፣ ይላል የሠራዊት ጌታ።

፬ ለእስራኤል ሁሉ ስርዓትንና ፍርድን አድርጌ በኮሬብ ያዘዝሁትን የባሪያዬን የሙሴን ህግ አስቡ።

፭ እነሆ፣ ታላቁና የሚያስፈራው የጌታ ቀን ሳይመጣ ነቢዩ ኤልያስን እልክላችኋለሁ፤

፮ እናም ምድርን በእርግማን እንዳልመታ እርሱ የአባቶችን ልብ ወደ ልጆች፣ የልጆችንም ልብ ወደ አባቶች ይመልሳል።