1 ’A fa’aro’o mai na, e te mau ’Ētene, ’e ’a ha’apa’o na i te mau parau a Iesu Mesia, te Tamaiti a te Atua ora, ’o tāna i fa’aue mai iā’u ’ia parau atu nō ni’a ia ’outou na, inaha ho’i, ’ua fa’aue mai ’oia iā’u ’ia pāpa’i, i te nā-’ō-ra’a ē :

2 ’A fāriu mai, e te mau ’Ētene, mai tō ’outou mau haere’a parauti’a ’ore, ’e ’a tātarahapa i tā ’outou mau ’ohipa ’ī’ino, ’e tā ’outou mau ha’avare ’e mau fa’ahemara’a, ’e tā ’outou mau ’ohipa tai’ata, ’e tā ’outou mau ’ohipa huna ’e te vi’ivi’i, ’e tā ’outou mau ha’amorira’a ’īdolo, ’e tā ’outou mau taparahira’a ta’ata, ’e tā ’outou mau ’ohipa ha’avare a te mau tahu’a, ’e tā ’outou mau ’ohipa fe’i’i, ’e tā ’outou mau mārōra’a, ’e tā ’outou mau ’ohipa ’ī’ino ’e te mau ’ohipa vi’ivi’i, ’e ’ia haere mai iā’u, ’e ’ia bāpetizohia i tō’u nei i’oa, ’ia ti’a ia ’outou ’ia fāri’i i te ha’amatarara’a nō tā ’outou ra mau hara, ’e ’ia fa’a’īhia i te Vārua Maita’i, ’ia ti’a ia ’outou ’ia tai’ohia i rotopū i tō’u ra mau ta’ata nō te ’utuāfare o ’Īserā’ela.