1 Mmotoyil gaed, O gimed e pi Gentiles, ngam rungʼaged fapi thin rokʼ Yesus Kristus, ni fachaʼ ni Fak fare Got nib fos, ni ke chiyliy ngog ni nggu weliy morngaʼagmed, ya, musap gaed, ke chiyliy ngog ni nggu yol, ni gaʼar:

2 Muchel gaed, gimed gubin e pi Gentiles, ko pi wok romed nib kireb nga orel; magmed kalngaenʼ ko pi ngongol nib kireb, nge pi baen nge sasaliyeb romed, nge pi galong romed, nge pi ngongol ko fananikan romed nib miith, nge pi yibil ko liyos romed, nge pi mathang pogofan romed, nge pi gamʼing nib falʼngakʼ romed, nge pi moʼowaenʼ romed, nge pi togopluw romed, mi gimed keruʼuy gubin e pi kireb nge fananikan romed, ngam baed ngog, ngan tawfe nagmed u fithingag, ni nge yog ni chuw machaan e pi denen romed, me suguymed fare Kan ni Thothup, ni nge yog ni ngan unegmed ko mathaʼeg nga fithikʼ e gidiiʼ rog ni yaed fapi gidiiʼ ku Israel.