1 E chelechang e rungalek, ngarngii a soak el melekoi el kirel oltel a tekoi el mla medung; leng ngarngii a re bebil el mla chouid a llechukl me te mlamo er cheroid el tiaikid a uchul. Akumtab el kmo a uldesuem a dirrek el bekikl el kirel tia el tekoi. Endi chelechang e ngak a mo choderderii lekong er kau.

2 Ak subedau e rungalk el kmo, a uldasu er a oltel a tekoi a kirel lobengkel a lemeltel a Dios; leng kirel a rokui el tekoi el mo moluut er a smechel. Kamosang, ngkirel e melemalt loltirakl er a klisiichel me a okiis er a Kristo, el kmo delbengir a rechad a kirel moluut el mo er a bedengir, me a rokui el klekedellel a bedenged a mo moluut el mo erngii.

3 E kirel a doltirakl er a lemeltel a Dios el kmo, a rechad a mo mukerrekeriil kirel a urerir; me a lsekum a urerir a mle ungil er tia el klengar, me a soal a rengrir meng mle ungil, me a le uaisei eng kirir kung er a uriul klebesei el mo moluut el mor sel ungil.

4 Me a lsekum a urerir a mekngit, eng mo moluut el mo er tir el mekngit. Misei a uchul a rokui el tekoi a kirel mo moluut el mo er sel merang el teletelel rokui el mo er a smechel; a mad a mekiis el mo diak lemad; a beraom a mo diak el beraom el mekiis el mo er a diak a ulebngelel klungiaol mo soiseb er a rengedel a Dios, me a lechub eng mo er a diak a ulebngelel ringel mo soiseb er a rengedel a diablong, a ngar er a bitang a mo er a bitael chim, me a ngar er a bitang a mo er a bitang–

5 A tang a mekiis el mo er a deu el reng loltirakl er a soal deu el reng, me a lechub e ngungil loltirak er a soal lungil; me a tang a kuk mo er a mekngit loltirakl er sel soal mekngit; leng mle soal meruul a mekngit el tael sils, meng mo nguu omeksullel mekngit sel lemei a ilkolk.

6 Meng di uaia ngara bitael chim. Alsekum eng mlo mekngit a rengul er a kentil e mlo soal a llemalt el mo er a ulebongel sils er ngii, eng mo kirel mo nguu omuksullel ngar er a melemalt.

7 Tirkaitir, a mo suobel loeak a Rubak; oi, tir kang tir kei el mo mengai el tuobed, el mla suobel er a diak a ulebngelel lilkolk er a klebesei; me te mo dechor me a lechub e te mo ruebet; le chelechang ditir lomtebechel er tir el kmo, te mo meruul a ungil me a lechub ete mo meruul a mekngit.

8 Chelechang ea llechul a Dios a diak lebol ngodech; misei a uchul ea rael a mla mekedmokl, me ngikei el soal, bo lorael me boel sobel.

9 Me chelecha e morrenges e rungalek, lako mluut el mo kmeed er a ditang el klengit lomtok er a Dios er kau, er a ikei el choblamsuub losisechakl, el mlo uchul e kau a mlo meruul a klengit.

10 Kele bo mousbech el kmo ng mla mo erngii a tekoi el kirel olutel a tekoi, me ko mo moluut er a klengit el mo er a deuel reng. Ka morrenges e kulekoi er kau, a mekngit a diak el deulreng.

11 E chelechang e rungalk, a rokui el chad a ngar er a cheltel a klechad, me a lechub e kede kmo, reng er a klechad, mete ngar er a dmolch el mechuached, le rengodel er a klengit; ng diak a Dios er tir er a bluulechad, me te mo omtok er sel teletelel a Dios; me a uchul me tir a ngar er a teletael lomtok er a klengar er a deu el reng.

12 Me chelecha e ka domes er a belkul a tekoi el sumecheklii, kede nguu a klalo e ngara merang el teletelel e sumecheklii el mo er a diak el merang el teletelel, me a lechub e kede nguu el loia er a teletael lomtok er a merang el teletelel?

13 Olekoi e rungalk, tia diak le uaisei; a belkul a tekoi el sumecheklii a monguu a mekngit el mo er a mekngit, me a lechub eng reng er a klechad el mo er a reng er a klechad, me a lechub eng teletelel a diablong el mo er a teletelel a diablong, me a ungil mo er sel ungil; me a klemerang a mo er a klemerang; me a melemalt el mo er a melemalt; me a chubechub el mo er a chubechub.

14 Misei a uchul e rungalk e bo bekelatk el mo chubechub el mo er chodam er kau; bole melemalt omerellem, bole melemalt a kelulum, e moruul a ungil blechoel; ea chobo moruul er rokui, eke mo nguu omuksullem; oi, a kle chubechub a lmuut leko erkau; me a llemalt a lmuut lekoer kau; me a melemalt el kerrekeriil a lmuut lekoer kau; me a ungil a lmuut el mo omuksullem.

15 Le sel modureklii a lmuut el mei er kau, e mo mesmechokl; Misei a uchul me a tekoi el sumecheklii a lmuut el dobeklii a chad er a klengit, el diak le ngebetii.