1 Elecha tara klebesei ea Alma mocha omuchel louchais a tikingel a Dios el mo er a rechad, a kot er a chelsel a beluu er a Zarahemla, e mlarisei el mo er a rokui el beluu el meliuekl.

2 Me a ikakid a tikingel lullekoi el mo er a rechad er a ikelesia el mla er a beluu er a Zarahemla, me a mla er a rekord er ngii a dilung:

3 Ngak el Alma el milchedaol er a demak el Alma el mo Ngarbab el Priest er a ikelesia er a Dios, ngii a mlarngii a ngerachel lobang el mla er a Dios el meruul aikang el tekoi, me a kuuchais er kemiu el kmo, ng mlomuchel er a ikelesia er a beluu el mlaer bita er a oliochel er a Nephi; oi, tiael beluu lulmekedong erngii el kmo beluu er a Mormon; oi, ng millecholb er a re bebil er ngii er a diosch er a Mormon.

4 Me a kuuchais er kemiu, ng klechubechub me a klisichel a Dios a uchul mete silobel er a chimal a King Noah me a re chedal.

5 E elechang ea uriul risei ete mlengai er a chimorir a rechedal a Laman el mo kelebus er a chelsel oreomel; oi, te mlo mechesimer, ea Rubak a liluut el ngosuterir mete mlengubet er a klisiichel a tekingel; me a kimeremang eri tiael beluu, mitia kiblo momuchel er a ikelesia er a Dios erngii.

6 Me kamomes, chelechang ak subdemiu lodam er ngak, kemiu el chad er tiael ikelesia, kom dirk ungil medengelii sera lekelebus a re demmiu? Oi, kom dirk ungil medengelii a kle chubechub me a kellou el reng er ngii el kirir? Ea lmuut el ngaruchei, kom dirk ungil medengei er a losobel a delbengir er a beluu er a ringel?

7 Kamosang, ng ngilodech a rengrir; oi, ngullekiis er tir er a obraod el cheliuaiu, mete mlekiis el mo chemau a Dios. Oi, te mla er a chelsel a ilkolk; endi a chelsel a rengrir a mlo melloms er a didiichel a diak a ullebengelel el tekoi; oi, te mle rrengodel er a rengedel a kodall me a bombatel er a beluu er a ringel, me a diak a ulebengelel tellemall a mengiil er tir.

8 Me chelecha kuker re kemiu lodam er ngak, ngarngii a tellemall el mle er tir? Mrengs, ak subedemiu el kmo ng diak, ng dimlak.

9 Elecha klmuut loker, a rengedel a kodall ng melloched, me a bombatel er a beluu er a ringel el mle lechetir ng mlengubet? Ak subedemiu, Oi, ng mlengubet, me a delbengir a mlo duoseb, me te mlengitakl el soblang er a beltikelreng. Mak subdemiu el kmo, te mla suobel.

10 Me chelecha kuker re kemiu, ngera uchul me te silobel? Oi, ngera rilleterir me te mlosiik el kirel osobel? Ngera uchul me te mlengubet er a rengedel a kodall, oi, me a bombatel er a beluu er a ringel?

11 Ka morrenges ek sebedmiu – a demak el Alma ng dimlak bo loumerang a ikel tekoi el tilobed er a ngerel a Abinadi? E ngii ng dimlak el chedaol profet? Ng dimlak lolekoi a tikingel a Dios me a demak el Alma mloumerang?

12 Meng klaumerang er ngii a mlo uchul meng mlorngii a kmal klou el mlo ngodech er a rengul. Ak subedemiu el kmo; aika errokui a di klemerang.

13 Me kamosang, ngii a ullisechakl a tekoi mo er a re demmiu, meng kmal klou a mlo ngodech er a chelsel a rengrir, me tengilai a rengrir el mei er iou, e ngilai a klaumerang er tir el mo ultuil er a merang e ngar el Dios. Me bo modengei, te mle misisiich loumerang el mo er a ulebongel; me a uchul ete silobel.

14 E elecha mrenges, a kuker re kemiu lodam er ngak er a ikelesia, komla mechell er a reng el mo er a Dios? Komla nguu a teletelel meng mo teleteliu? Ko mla mo melchesuar tial klou el mo ngodech er a chelsel a rengmiu?

15 Kemiu komousbech er a klaumerang er kemiu er a klisiichel ngikei lulmeob er kemiu lolsobel? Ko mla mes el mo er a ngarmedad loba mad er a klaumerang, e mesa tial mo chutem el bedengiu el mekiis e dikea lluut el mad, mitial mo braom e mo mekiis el dikeael lluut el mo mechut, e mo dechor er a medal a Dios e mukerrekeriil er a chomrellel er a dirkel ngar tial mo mad el bedengiu?

16 Ak dmur kemiu, ng sebechemiu lomdasu el leko ko morrenges er a ngerel a Rubak el melekoi er kemiu er isel sils el kmo: Meier ngak kemiu el ngeltengat, ea ikakid a ureliu el mle ureor er a llemalt er bebul a bluulechad?

17 Me a lechub e kele momdasu el kmo ng sebechem el mo omulak er a Rubak erisel sils, el kmo – Rubak, a urreram a mle ureor er a llemalt er bebul a klengar er a bluulechad – meng mo olsobel er kemiu?

18 Me a lechub, eng sebechemiu lomelchesiu er kemiu el mo dechor er medal a kerrekeriil er a Dios ea delbengiu obraod er a klengit el reng el kirel a kentmiu, me ko kmal mouuchel, leko mla mo lmatk a rokui el berredel a kentmiu, oi, a bleketakl lomelatk el kirel a rokui el mekngit lomrelliu, oi, a omelatk el kmo, ko beches el mlo omtok a llechul a Dios?

19 Ak melekoi er kemiu, ng sebechiu el mo er medal a Dios erisel sils el klikiid a rengmiu e beches a chimomiu? Ak melekoi er kemiu, ng sebechiu el momes el mo erbab el ngarngii osengel a Dios el llechukl er a medemiu?

20 Ak melekoi er kemiu, ng sebechiu lomdasu el kmo komo suobel sel chobla mkengei el mo chederdall er a Diablong?

21 Ak mesubed er kemiu, komo medengei eri sel sils el kmo, ng diak bom sobel; leng diak a chad el mo suobel ng di merekmo bol mesilk el mo becheleleu a bilel; oi, a bilel a kirel kmal mo klikiid el mo diak a di telkib el cheiisech el ngarngii, lokiu a resechel ngikei el lullekoi el kirel a redemad er a ngara mong el kmo, ng mei el me melubet a kenterir a rechedal.

22 Me chelecha kuker re kemiu el ta erngak, ng moangera rengmiu sel bom dechor er medal a kerrekeriil er a Dios ea biliu le merserasch ele chelsechusm er a betok el kikyongel? Chelechang ea ikang ngerang mo cholt el omtok er kemiu?

23 Chelechang diak likaikid a mo ouchais el kmo, kemiu omkeuad er a rechad, oi, e dirrek el ngaer a klengit, a betok el teletael er a mekngit el tekoi?

24 Ka morrenges kemiu el taer ngak, chomomdasu chouaisei el chad ng ngarngii a kingellel er a rengedel a Dios, lobengkel a Abraham, lobengkel a Isak, e obengkel a Jakob me a rokui el chedaol profet el bilir a selilk el kmal beches e iimong el becheleleu?

25 Ak subedemiu el kmo, ng diak; ngdi merekmo chomduel kmo, a ulemeob adi mla bulak er a kot luchul, me a lechub eke momdasu el kmo ngii a di mla bulak er a kot luchul, eng diak el sebechem el kmo chouai tirkei ng sebechel ngarngii a kingellir er a rengedel babeluades; tir a bai mo obidokl errikl le tir a ngalek er a rengedel a diablong.

26 Me chelchang eka momes, ak mesubed er kemiu el tar ngak, alsekum e komla mo melchesiu er a bult reng, komla mo melchesiu er kemiu el somiu el mengitakl er a cheliteklel a beltik el reng er a Osobel, meng soak loker, komo melchesiu re ngii er chelechang?

27 Ko blechoel merael, lomeklemalt er kemiu er medal a Dios? Chomkoe kechelbangel er a kodall er chelechal taem, ng sebechel mesubed a rengum el kmo, kau a merael ngariou a rengum? Me a bilem a mla mesilk el mo becheleleu lokiu a resechel a Kristo, el ngii a mei el mo olsobel er a rechedal er a kenterir?

28 Ka mrenges, kau ke mla nguu a rengum el mei riou? Alsekum eng diak, eng dirkak bom keltmokl el mo er medal a Dios. Ng kirem el mereched el kudmeklau, le rengedel babeluades a di kmeedkung, le remouaisei a diak bol nguu a diak a ulebengelel klengar.

29 Kamrenges, ak melekoi, ng ngarngii er a delongeliu a dirkak lenguu a chelechei el reng lotebedii er a rengul? Ak subedemiu el kmo ngikei a dirkak le meketmokl; me a kureng, cholkum eng mereched el kudmeklii, le temel a di kmedkung, e diak lodengelii el kmo ngoingerang mei; ngikei a diak bo de betik er ngii el klikiid.

30 Ak lmuut el melekoi er kemiu, ng ngarngii er a delongeliu a oltuub er a odam er ngii me a lechub e ngomekcharm er ngii?

31 Alii er ngikei el mo uaisei, le ngikei a diak le keldmokl, ea temel a kmedang el kirel mo ouuchel er a rengul a kentil me a lechub eng diak bol sobel!

32 Oi, alii el dirrek el mo er kemiu el rokui el chad er a ureor el kirel a mekngit; bo mouchel er a rengum a kentim, bo mouchel er a rengum a kentim, ele Rubak el Dios a mla dmung.

33 Ka morrenges, ng mla tebedii a subed el mo er a rokui el chad, le chim er a klechubechub a mla modars el mo er tir, ng mla dmung: bo mouuchel er a rengmiu a kentmiu me bok ngikemiu.

34 Oi, ng dilung: mei er ngak me mkelii a redechel a kerrekar er a klengar; oi, ke mo kolii e ngilmii a blauang me a ralm er a klengar el diak locheraol.

35 Oi, mei er ngak e mocholt a ureor er a llemalt, me llako bo metermokl e mobidokl el mo er a ngau.

36 Ka morrenges, a taem a kmedung, me ngikei el diak locholt a ungil rodech, me a diak loruul a ureor er a llemalt, a ngii a mo erngii a uchul eng mo lmangel el nga er a klengit el reng.

37 Ea, kemiu el chad er a ureor er a klengit; el mla medorm er a bechachau el tikingel a bluulechad, kemiu el kmo komedengei a klemerang el tekoi ea lechub e ko mengibirukel, el di uaia sib el diak a mengkar, ea lechub ea mengkar a sib a meketeketang er a lomekedong, e dirk omekedong er kemiu, endi kemiu a diak el somiu lorrenges er a ngerel.

38 Ka morrenges e kduer kemiu, a ungil loucharm a sib omkedong er kemiu; oi, ngoba merang el ngklel lomekedong er kemiu, el ngii a ngklel a Kristo; me a lsekum eng diak bo morrenges er a ngerel a ungil mengkar a sib, me a ngakl el ngii a lomekedong er kau, eng kmo kau a diakom sib er a ungil mengkar a sib.

39 Me chelechang ea lsekum ng diakom sib er a ungil mengkar a sib, e komo sib er techang? Ka morrenges e ksbedemiu, a diablong a mengkerengiu, me kom ngara ongriul er ngii; chelechang techa sebechel kmo ng diak? Ka morrenges e ksbedemiu, ngikei el diak eloumerang er tiang a bulak, e ngelekel a diablong.

40 Ak mesubed er kemiu el kmo ngii di le ngerang lungil a ngar er a Dios el mei, me a ngii di le ngerang el mekngit a ngar er a diablong el mei.

41 Me a leuaisei, ea lsekum a chad a meruul a ungil lurreor e ngorrenges a tikingel a ungil klekerengel a sibe oltirakl er ngii. E ngikei el meruul a mekngit el urreor a mo ngelekel a diablong, le ngorrenges er a ngerel e oltirakl er ngii.

42 E ngikei el mo uaisei a kirel mo uduudl er ngii; me a mo ududel a mo kodall el kirel a tekoi er a llemalt, leng ngika ulekeuad el kirel a rokui lungil el urreor.

43 Me chelecha rodam er ngak, ngsoak chomrengesak, lek melekoi loba klissiich el ngara chaidireng; me chelehang ea kmla mengedecheduch er kemiu el bleketakl meng diako mecheuid, e dirrek el mla mengedecheduch er kemiu loltirakl a llechul a Dios.

44 Le ngak a mlukedong el me mengedecheduch el uaisei, loltirakl er a chedaol deruchall er a Dios, el ngar er a Jesus Kristo; Oi, ngak a mla modurech el mo dechor e mengedecheduch el moer tiaikid el chelechad a ikel tekoi el lullekoi are demad el kirel a tekoi er a ngarmedad.

45 E diak di likaikid el merekong. Chomomdasu e ngak ngdiak kudengei a ikal tekoi? Ea, akmal louchais er kemiu el kmo, ak ungil medengei el kmo a ikal tekoi el blak dung a klemerang. Chomomdasu ea kmekerang e mo medengei el kmo ng klemerang?

46 Ka morrenges, ak subedemiu, aikang a mlo chemolt el mer ngak er a Edaol Reng er a Dios. Ka mosang, ak mlo olsengerenger e melluluuch el betok el klebesei, me bol sebechek el mo medengei a ikal tekoi. Me chelechang ea kmal medengei el kmo ng klemerang; le Rubak el Dios a mla cholt er ngak loeak Edaol Reng er Ngii me tiaia reng er a ocholt er ngar re ngak.

47 Mak lemuut el melekoi er kemiu el kmo, ng mla me chemolt el mei er ngak el kmo, aikei el tekoi el lullekoi a re demad a klemerang el diuaia ikei el ngar er a reng er a ulaoch el ngar ngak, el ngii a dirrek lolchotel a Reng er a Dios.

48 Ak uchais er kemiu el kmo, ngak a medengei el kmo, a ikel bo kulekoi er kemiu el kirel a ngar re medad a klemerang; me ak melekoi er kemiu el kmo ak medengei el kmo a Jesus Kristo a mei, oi, a ngalk el Sechal, el Ditang el Ngelekel a Edam, el mui er a klungiaol, me a kle chubechub me a klemerang. Me kamosang, Ngii ngikei el mei el me melubet a kngtil a beluulechad, oi, a kngterir a rokui el chad el mo mesisiich el oumerang er a Ngklel.

49 Me chelechang eak subedemiu el kmo, tiaikid lurreor a uchul me ak ngaritiang, oi, el molisechakl er a rodam er ngak el betik er a renguk, oi me a ngii di le chad el ngara beluu, oi el molisechakl el mo er a rokui, a re mekekrei me a re meklou, a le sibai me a re mimokl el chad, oi, ak melekoi er kemiu el mechuodel me a re meklungang, me a redirke merael mei el cheroll, oi, el mo llmangel mo er tir el kmo, ng kmal kirir el mo ouuchel a rengrir er a kenterir e lmuut el mo mechell.

50 Oi, a Reng a kmo: bo mouuchel er a rengmiu er a kngtemiu e beluulechad er rokir, er a ulebongel mo er a ulebongel, e le rengedel babluades a di kmeed kung; oi, a Ngelekel a Dios a mei el ngara klebkellel, el ngara deruchellel me a iiltetel a klisiichel, me a cherrengelel omengederderel. Oi, e betik er a renguk lodam er ngak, ak subedemiu, a Reng a kmo: Kamosa klebkellel a King er a beluulechad er rokir; e dirrek el King er a babluades a di kmeed kung mo melidiich el teloi er a rengelekel a chad.

51 E dirrek el Reng a dilur ngak el kmo, Oi, ng lilangel me er ngak el mle mesisiich a ngerel kmo: Kabong e molekoi el mor tirkal chad el kmo – Bo mouuchel a rengmiu er a kngtmiu. A llak bo mouchel a rengmiu er a kngtemiu eng diak a rolel e bomsiseb er a rengedel babluades.

52 Mak lmuut el subedau, a Reng a dilung: kamosang, a otilech a mla mo er a uchul a kerrekar; me a ngii di le kerrekar el diak le bor ngii a ungil redechel a mo muukel e obidokl el mo er a ngau, Oi, a ngau el ngii a diak le mad, ma ka bol ngemed el ngau. Me alii mletkii Ditang el Edaol el mla dulii.

53 Me chelecha e betik er a renguk lodam er ngak, ng sebechemiu el menglou a rengmiu el kirel a ikang el tekoi; oi, ng sebechemiu el mocheuekl a ikang el tekoi, e mo merderd er a Ditang el Edaol er cheungel ochemiu; oi, ng sebechiu el mo olsorech er kemiu er a keldidai el reng; oi, ko moutekangel di omesiich er kemiu er a meringel a cheral bail, e oltak a rengmiu er a bechachau el tekoi er a beluulechad, er a iltetem?

54 Oi, kemiu amo melemolm lomdasu el kmo kau a lmuut el ngarbab er a tara chad; oi, kemiu amo melemolm lomekcharm er a rodam er kemiu, el mla ngmai a rengrir el meriou e merael loltirakl er a chedaol lokedongel a Dios, me a uchul e te mla mo chad er tiang el ikelesia, el mla mechedaol er a Edaol Reng, me a omerellir olecholt el kmo te mla mo mekngit a rengrir er a kngterir.

55 Oi, kemiu amo melemolm el mo ikrii a chebulang, me a redikea ngerang er tir, e mengreos a klokliu er tir?

56 E chelecha e kemiu el loutekangel melemolm a mekngit lomerelliu, ak melekoi er kemiu el kmo, kemiu tirke el mo muukel me eriou e obidokl el mo er a ngau, a llak el mereched el mo ouuchel er a rengmiu a kngtemiu.

57 Me chelechang ak melekoi er kemiu er rokui el somiu el moltirakl er a ngerel a ungil chad er a sib, mei me mtobed er a delongelir a re dengerenger, e bomileakl, e lak bo morutech a mekngit el kloklir; e le kamosang, a ngklir a mo mesuld, le ngklir a re dengerenger a diak bo le ngara ulecherangel lobengkel a ngklir a re mekedung, me bo le motaut a tikingel a Dios el dilung: a ngklir a re dengerenger a diak bo luldak ngii me a ngklir a re chedak.

58 Le ngklir a re mekedung a mo meluches er a chelsel a babier er a klengar, le tir a bok besterir a blingelir el ngara kadekmel a chimak. Me chelecha e rodam er ngak, ngera ultekengiu el kirel itiang? Ak subedemiu el kmo, alsekum ko melekoi lomtok er ngii eng diak a belkul le tikingel a Dios a di mo er a urebetellel.

59 Ng techang er kemiu el chad er a sib, a ngarngii a betok el chermel el sib e diak longkar, me llak el siseb a okami e lekang a chermel? Me chelechang e alsekum a okami soiseb er a ongriul eng diak lotirii lotebedii? Oi, ea uriul alsekum eng sebechel eng mokodir.

60 Me chelechang ak subedemiu el kmo a ungil mengkar a sib omekedong er kemiu; me a lsekum kom rongesii a ngerel eng ngoikemiu el mei er ongriul er ngii, me ko mo sib er ngii; meng mellach er kemiu el kmo ng diako mkengei a songerenger el okami mel siseb er a delongeliu, me llak o metemall.

61 Me chelechang e ngak el Alma a mellach er kemiu er a tekingel ngikei el mla mellach er ngak el kmo, bo momtab a ikel tekoi el blakdung er kemiu.

62 Ak melekoi lokiu a llach el mer kemiu el chad er a ikeleseia; me tirkei el diak le chad er a ikelesia ak mengedecheduch el mengemedaol el kmo: Mei me bo metecholb er a uuchel reng el kirel a klengit, me bom ta er a re mengib er a redechel a kerrekar er a klengar.