Te Puka a Iakoba
Te Teina o Niphai

1. I na, kua topa atu e rima ngauru ma rima mataiti, mei te tuatau i akaruke ei a Lihai ia Ierusalema ra; i na, kua oronga maira Niphai kiaku, kia Iakoba, i tetai akaueanga i teianei au papa meangiti tei kotikotiia ki teia au tuatua nei.

2. E kua akaue maira aia iaku, kia Iakoba, kia tata au ki runga i teianei au papa i tetai au mea tei manakoia e au nei, e puapinga maata; e auraka au e tata, mari ra, e manga tuatua meangiti ua i te tua o teianei aronga i tuatuaia ko te iti tangata o Niphai.

3. Kua tuatua mai oki aia e, e kotikotiia te tua o tona ra iti tangata ki runga i tetai au papa ke, e kia akono au i teianei au papa, e kia tuku atu oki ki taku uanga, ki tera uki ki tera uki.

4. E te au akoanga tapu, e te eeuanga maata, e te totou anga, kia kotikoti au i te au upoko tuatua no te reira ki runga i teia nei au papa, e kia tuatua oki au i te reira ei akamaramaanga i te Mesia e ei meitaki no to matou iti tangata.

5. No te akarongo, e te taitaia maata, i akakite puia mai ei kia matou i te au mea katoatoa te ka tupu ki to matou ra iti tangata.

6. I rauka oki ia matou te au orama e manganui, e te vaerua oki o te totou maata, no reira kua kite matou i te Mesia e tona ra basileia ko te ka tae mai.

7. No reira, kua tauta tikai matou i rotopu i to matou iti tangata, kia akamaroiroi ia ratou i te aere mai ki te Mesia, e kia ariki i te meitaki o te Atua ra, kia tomo ratou ki roto i tona ra akangaroianga, ko te taputou aea aia i tona ra riri e auraka ratou e tomo ki roto, mei tana i riri i te tuatau timataanga ka noo ei te tamariki a Iseraela ki roto i te metepara ra.

8. E teianei, ko to matou inangaro, kia rauka ia matou kia akamaroiroi i te au tangata katoatoa kia kore e timata i te Atua i te akatupu anga i tona riri; kia akarongo ra te au tangata katoatoa i te Mesia, e kia kite oki i tona ra mateanga, e kia apai i tona satauro e kia akakoromaki ua i te takinga kino o to te ao nei; no reira, kua maroiroi au, ko Iakoba, i te akono i te akaueanga a toku tuakana ko Niphai.

9. E teianei, kua pakari a Niphai e kua kite aia e, kua vaitata tona ra matenga, no reira kua akatainu aia i tetai tangata ei ariki e ei kavana oki ki runga i tona ra iti tangata, kia tau i te au o te ui ariki ra.

10. Kua aroa oki te tangata ia Niphai no te mea, kua riro aia ei paruru ia ratou, i rave ana oki aia i te koke a Labana ei paruru ia ratou, e i angaanga ana oki aia i tona puke ra katoa no to ratou meitaki.

11. No reira, kua inangaro tona iti tangata i te akamaara i tona ingoa. E ko te tangata ka riro ei mono iaia, ka topaia aia, ko Niphai rua, ko Niphai toru, e pera atu, mei tei tau i te au o te ui ariki ra. Kua na reira te tangata i te akatopa anga i te ingoa, no atu eaa to ratou ingoa tikai.

12. Mate iora a Niphai.

13. E teianei, te au tangata kare no te ngati Lamana ra, no te ngati Niphai ïa, kua tuatuaia ra to ratou ingoa ko te ngati Niphai, e te ngati Iakoba, e te ngati Iosepha, e te ngati Zorama, e te ngati Lamana, e te ngati Lemuela, e te ngati Isemaela.

14. Kare atura au ko Iakoba, e akataka ia ratou i teianei au ingoa, e topa ra au ia ratou tei titau kia akapou i te iti tangata o Niphai ra, ko te ngati Lamana, e ka topa au i tei inangaro ia Niphai, ko te ngati Niphai me kare ko te iti tangata o Niphai.

15. I te au o te ariki rua i akamataʼi te ngati Niphai i te akaketaketa i to ratou ngakau, e te rave i te kino, mei ta Davida i rave i te tuatau taito ra, e mei ia Solomona ra oki, ko tana tamaiti, i te inangaro i te au vaine e manganui e au vaine akaturi oki.

16. I na, kua akamata oki ratou i te kimi i te auro e te ario, e kua akamata ratou i te akateitei ia ratou i te ngakau parau.

17. No reira au, ko Iakoba, i ako atu ei ia ratou i teianei au tuatua, ka apii atu ei au ia ratou i roto i te iero ra, kua rauka mai oki iaku te akaueanga no ko mai i te Atu ra.

18. I akataoongaia oki au, ko Iakoba, e toku teina katoa oki ko Iosepha, ei taunga e ei puapii oki no teianei iti tangata, e te rima o Niphai ra.

19. E kua akono iora maua i to maua taoonga i te rave anga i te au ara a te tangata ra ki runga i to maua uaorai upoko, me kare maua e apii ia ratou i te tuatua a te Atua ma te maroiroi; kua angaanga maua ma te ririnui kia kore to ratou toto e tae ki runga i to maua kakau; naringa kare maua i pera, e tae to ratou toto ki runga i to maua kakau, e kare oki maua e tu ma te titoutou kore i te rā openga ra.