1. E teianei, kare e rauka iaku, ia Niphai, kia tata i te au mea katoatoa i apiiia ki toku ra iti tangata kare oki au i ririnui i te tata mei te ako ra; no te mea kia tuatua te tangata na roto i te mana o te Vaerua Tapu, na te mana o te Vaerua Tapu e akatae i taua tuatua ra ki roto i te ngakau o te tamariki a te tangata nei.

2. Ina ra, e manganui tei akaketaketa i to ratou ngakau i te Vaerua Tapu, e kare ona ngai i roto ia ratou, kua akaruke oki ratou i te au mea e manganui tei tataia ra, i manako ei oki ratou e, e mea puapinga kore te reira.

3. Kua tata ra au, ko Niphai, i te au tuatua taku i tata ra, e te manako nei oki au e, e puapinga maata te reira ki toku ra iti tangata. Te pure ua nei oki au no ratou i te po. Kua maū toku roi i te po no toku roimata; e te kapiki ua atura au ki toku Atua ma te akarongo, e kua kite oki au e, ka akarongo mai aia i taku ra kapiki anga.

4. Kua kite oki au e e akatapu mai te Atu ra ko te Atua i taku ra au pure no te meitaki o toku ra iti tangata. E te au tuatua taku i tata ma te paruparu ra, e riro ïa ei maroiroi ia ratou; no te mea ka apii mai te reira ia ratou kia rave i te meitaki ra; e akakite oki te reira kia ratou i te tuatua o to ratou ai metua, e tuatua oki ïa no Iesu ra, e e apii oki ia ratou kia akarongo iaia, e kia akakoromaki e tae ua atu ki te openga, koia oki te ora mutu kore.

5. Kua patoi ua atu te reira i te mea kino ra, mei tei tau i te tuatua mou tikai ra; e kare oki tetai tangata e riri i te tuatua taku i tata mari ra, kua uruia aia e te vaerua o te tiaporo ra.

6. Te mataora nei au i te tuatua papu, te mataora nei au i te tuatua mou ra, e te mataora nei au ia Iesu, nana i akaora i toku ra vaerua ia ade ra.

7. E aroa toku i toku ra iti tangata, e e akarongo maata oki i te Mesia, kia aravei au i te au vaerua e manganui ki tana ra akavaanga.

8. E aroa oki toku i te ngati Iuda ra, kua tuatua au e, te ngati Iuda, no te mea, no ko mai au ia ratou.

9. E aroa katoa toku i te au Etene ra. Ina ra, kare o ratou ravenga, mari ra, kia irinaki ratou i te Mesia ra, e e tomo oki na roto i te ngutupa oiti, e e aere na te mataara tika e tae atu ei ki te ora ra, e e aere atu rai au na taua mataara ra e tae ua atu ki te openga o to ratou puke ra i teia oraanga nei.

10. E teianei, e aku au taeake akaperepere e, e te ngati Iuda katoa, e to te openga o te enua ra, e akarongo mai ana ki teianei au tuatua, e e irinaki oki ki te Mesia ra; e me kare kotou e irinaki i teia nei au tuatua, e irinaki ra i te Mesia, e kia irinaki kotou i te Mesia, e irinaki katoa kotou ki teia nei au tuatua, e nana i oronga mai i te reira kiaku; e te apii nei oki te reira i te au tangata ravarai kia rave i te meitaki.

11. Mei te mea e kare na te Mesia te reira au tuatua, na kotou rai e tuatua, no te mea, ei te rā openga ra, e akakite mai ei te Mesia ma te mana e te kaka maata kia kotou e, nana rai te reira tuatua; e e tu oki tatou, te mata ki te mata ki mua i tona ra akavaanga; ei reira kotou e kite ei e, no atu oki toku apikepike, kua akaueia au e ïa kia tata atu i teianei au mea nei.

12. E te pure atu nei au ki te Metua i te ingoa o te Mesia ra, kia ora tatou e manganui, me kore ra tatou katoatoa, i roto i tona ra basileia i taua ra openga maata ra.

13. E teianei, e aku au taeake akaperepere, e kotou katoatoa no te ngutuare o Iseraela ra, e no te openga katoa o te enua nei, e tuatua atu au kia kotou mei te reo o tetai i te kapikianga atu mei raro mai i te one pueu ra; kia orana kotou e tae ua atu ki taua ra maata ra.

14. E kotou, ko tei kore e inangaro i te meitaki o te Atua, e ko tei kore e irinaki i te tuatua a te ngati Iuda ra, e i taku nei tuatua oki e i te tuatua oki i tae mai no roto i te vaa o te Punua Mamoe a te Atua ra, i na, e tuatua atu au kia kotou, kia orana kotou e tuatau ua atu, ka akaapa oki teianei au tuatua ia kotou i te rā openga ra.

15. Te au mea oki taku e akamou ki raro nei, ka riro ïa ei akaapa ia kotou no te akavaanga; kua pera maira te Atu i te akaue anga mai iaku ra, e kia akono au i te reira e tikai. Amene.