1. Kia tae ki taua ra ra, e tuatuaʼi koe, E akameitaki au ia koe, e te Atu; i riri mai oki koe iaku ra, kua anga keia ra toou riri, e kua akapumaana mai koe iaku.

2. I na, ko toku ora, ko te Atua ïa; e irinaki au, e kare au e mataku; no te mea ko te Atu ko Iehova, ko toku ïa matutu, e toku ïa imene anga, e kua riro mai aia ei ora noku.

3. No reira, no te rekareka e uti ei kotou i te vai mei roto i te au punavai ora ra.

4. E i te reira rā e tuatuaʼi kotou, E akameitaki atu i te Atu, e kapiki atu ki tona ingoa, e akakite ki te tangata i tana au ravenga, e akakite marie kotou e, kua akateiteiia tona ingoa.

5. E imene kotou i te Atu, i te ravenga meitaki tu ke tana i rave ra; kua kitea oki te reira i te ao katoa nei.

6. E kapiki mai, e maeva, e tei noo i Ziona ra e, e maata ra oki Tei Tapu i Iseraela nei i rotopu ia kotou ra.