1. I na, te na ko maira te Atu: Kua kopae ainei au ia kotou, me kore ra, kua akaruke ainei au ia kotou e tuatau ua atu? Te na ko maira te Atu: Teiea te tuatua kopae a to kotou metua vaine? I tuku ke atu au ia kotou kiaai? Me kore ra, i oko ana au ia kotou kiaai i roto i taku aronga kaiou ra? Kua oko atu au ia kotou kiaai? I na, na ta kotou au ara i oko ei kotou ia kotou uaorai, e no ta kotou au tuatua kino i tuku keiaʼi to kotou metua vaine.

2. I toku aereanga mai, kare oki e tangata, i toku kapikianga, kare tetai i ki mai. E te ngutuare o Iseraela e, kua poto ainei toku rima e kare e tika iaku kia akaora? E kare ainei oku mana kia akaora? I na, i taku tuatua, e marō ei te moana, e akariro au i te kauvai ei ngai papamarō, kua pirau ta ratou ika i te vai kore, e mate atura i te kaki vai.

3. Te akakakau nei au i te rangi ki te kerekere, e te tapoki nei au ia ratou ki te kakau paoa.

4. Kua oronga mai te Atu ra ko te Atua kiaku i te arero o te aronga i apiiia; kia rauka iaku kia tuatua i tetai tuatua tau kia kotou, e te ngutuare o Iseraela, kia roiroi kotou, e akaaraia aia i tera popongi i tera popongi; te akaara nei aia i toku taringa kia akarongo au mei te aronga i apiiia ra.

5. Kua akapuera te Atu ra ko te Atua, i toku taringa, e kare au i akarongo ngata; kare oki au i oki ki muri.

6. Kua tuku ua atu au i toku mokotua ki te aronga i pāpā mai, e toku paparinga ki te arongo e utiuti i te uruuru; kare au i uuna ke atu i toku mata mei te akavaavaa e te aronga tutua i te uavare.

7. E tauturu mai rai te Atu ra ko te Atua iaku, i kore ei au e akama; i ketaketaʼi au i toku mata mei te toka pakari ra; kua kite oki au e, kare au e akama.

8. Te vaitata nei te Atu, e te akatika nei aia iaku. Koai te ka māro mai iaku? E tu mai taua katoa: Koai toku enemi? Kia akavaitata mai aia kiaku nei, e e papa au iaia ki te maroiroi o toku vaa.

9. Ka tauturu mai te Atu ko te Atua iaku, e tei akaapa mai iaku, i na, e piro anake ratou mei te kakau nei, e pou ratou i te uu.

10. Koai to roto ia kotou e mataku i te Atu, tei akarongo i te reo o tona tavini, ko tei aaere ua na te poiri, e kare e marama?

11. I na, ko kotou ravarai ko tei tutungi i te ai, tei akapini ia kotou uaorai ki te marama ra, e aere kotou ki te marama o to kotou ai, e ki te marama i tutungiia e kotou na. Teia ta kotou i rauka i toku nei rima; e moe kotou ki raro ma te aue ra.