မော်ရော်နိုင်း ၂

အခန်းကြီး ၂

ယေရှုသည် နီဖိုင်းအမျိုးသားတပည့်တော်တစ်ဆယ့်နှစ်ပါးတို့အား သန့်ရှင်းသောဝိညာဉ်တော်၏ ဆုကျေးဇူးကို အပ်နှင်းဖို့ တန်ခိုးကို ပေးတော်မူ၏။ အေဒီ ၄၀၁–၄၂၁ ခန့်။

၁ ခရစ်တော်သည် သူရွေးကောက်ထားတော်မူလေသည့် တစ်ဆယ့်နှစ်ပါးသော သူ၏တပည့်တော်တို့အပေါ်၌ လက်တော်ကိုတင်၍ မိန့်တော်မူလေသည့် သူ၏နှုတ်ကပတ်တော်တို့သည်ကား—

၂ ထိုသူတို့၏အမည်ကို ခေါ်၍ သူမိန့်တော်မူလေသည်မှာ၊ သင်တို့သည် ငါ၏နာမတော်အားဖြင့်၊ အားကြီးသောဆုတောင်းခြင်းဖြင့် ခမည်းတော်ထံသို့ ပဌနာပြုကြရမည်။ သင်တို့သည် ဤသို့ပြုကြပြီးမှ၊ သင်တို့လက်များကို တင်မည့်သူအား သန့်ရှင်းသောဝိညာဉ်တော်ကို ပေးနိုင်ဖို့ တန်ခိုးကို ရကြလိမ့်မည်။ ငါ၏နာမတော်အားဖြင့်လည်း သင်တို့သည် ထိုအရာကို ပေးကြလိမ့်မည်။ အကြောင်းမူကား၊ ထိုကဲ့သို့အားဖြင့် ငါ၏တမန်တော်တို့ ပြုကြ၏။

၃ ယခုတွင်၊ ခရစ်တော်သည် ပထမဦးဆုံးရောက်လာတော်မူသည့်အချိန်၌ သူတို့အား ဤစကားများကို ဟောတော်မူ၏။ လူအစုအဝေးသည် ကြားရခြင်းမရှိသော်လည်း တပည့်တော်တို့က ကြားရကြ၏။ သူတို့လက်များကို တင်သမျှသောသူတို့အပေါ်သို့ သန့်ရှင်းသောဝိညာဉ်တော် သက်ရောက်တော်မူ၏။