၂ နီဖိုင်း

ကျမ်းစာများ

မော်မုန်ကျမ်း

အကြောင်းအရာများ
နိဒါန်းနှင့် သက်သေများ
၁ နီဖိုင်း
၂ နီဖိုင်း
ယာကုပ်
ဧနုတ်
ယာရုမ်
ဩမနိ
မော်မုန်၏စကားများ
မောဇိယ
အယ်လမာ
ဟေလမန်
၃ နီဖိုင်း
၄ နီဖိုင်း
မော်မုန်
ဧသာ
မော်ရော်နိုင်း
မော်မုန်ကျမ်းအတွက် ကိုးကားချက်လမ်းညွှန်

၂ နီဖိုင်း

အခန်းကြီး ၁
လေဟိသည် လွတ်လပ်ရာပြည်အကြောင်းကို ပရောဖက်ပြု၍ဟော၏—သူ၏အမျိုးအနွယ်တို့သည် ဣသရေလအမျိုး၏သန့်ရှင်းတော်မူသောဘုရားကို ငြင်းပယ်ကြလျှင်၊ ကွဲပြားပြန့်ကျဲ၍၊ ဒဏ်ခတ်ခံရကြလိမ့်မည်—သူသည် မိမိ၏သားတို့အား ဖြောင့်မတ်ခြင်းချပ်ဝတ်တန်ဆာကို ဝတ်ကြရန် တိုက်တွန်း၏။ ဘီစီ ၅၈၈–၅၇၀ ခန့်။
အခန်းကြီး ၂
ရွေးနှုတ်ခြင်းသည် သန့်ရှင်းသောမေရှိယအားဖြင့် ဖြစ်ပေါ်လာ၏—ရွေးချယ်မှုလွတ်လပ်ခွင့် (ရွေးချယ်ပြုမူနိုင်ခွင့်) သည် ဖြစ်တည်ခြင်းနှင့် ဖွံ့ဖြိုးတိုးတက်ခြင်းတို့အတွက် မရှိမဖြစ်လိုအပ်သောအရာဖြစ်၏—လူသားများဖြစ်တည်နိုင်စေခြင်းငှာ၊ အာဒံလဲကျ၏—လူသားများသည် လွတ်လပ်ခြင်းနှင့်ထာဝရအသက်ကို ရွေးချယ်ရန် လွတ်လပ်ကြ၏။ ဘီစီ ၅၈၈–၅၇၀ ခန့်။
အခန်းကြီး ၃
အဲဂုတ္တုပြည်၌ ယောသပ်သည် ရူပါရုံ၌ နီဖိုင်းအမျိုးသားတို့ကို မြင်၏—သူသည် နောက်ပိုင်းကာလ မြင်သောသူဖြစ်သည့် ဂျိုးဇက်စမစ်အကြောင်း၊ ဣသရေလအမျိုးတို့ကို ကယ်လွှတ်မည့် မောရှေအကြောင်းနှင့် မော်မုန်ကျမ်းဖြစ်ပေါ်လာခြင်းအကြောင်းတို့ကို ပရောဖက်ပြု၍ဟော၏။ ဘီစီ ၅၈၈–၅၇၀ ခန့်။
အခန်းကြီး ၄
လေဟိသည် သူ၏အမျိုးအနွယ်ကို အကြံပေး၏၊ ကောင်းချီးလည်းပေး၏—သူသေ၍ သင်္ဂြိုဟ်ခံ၏—နီဖိုင်းသည် ဘုရားသခင်၏ကောင်းမြတ်ခြင်း၌ ရွှင်လန်းဝမ်းမြောက်၏—နီဖိုင်းသည် ကိုယ်တော်ရှင်ကို ကာလအစဉ်အဆက်ကိုးစား၏။ ဘီစီ ၅၈၈–၅၇၀ ခန့်။
အခန်းကြီး ၅
နီဖိုင်းအမျိုးသားတို့သည် လာမန်အမျိုးသားတို့ထံမှ ခွဲထွက်ကြ၏၊ မောရှေ၏ပညတ်တရားကို စောင့်ထိန်းကြ၏၊ ထို့အတူ ဗိမာန်တော်တစ်ခုကို တည်ဆောက်ကြ၏—လာမန်အမျိုးသားတို့သည် သူတို့၏ မယုံကြည်မှုကြောင့် ကိုယ်တော်ရှင်၏ မျက်မှောက်မှပယ်ရှင်းခံရကြ၏၊ အကျိန်ခံရကြပြီး နီဖိုင်းအမျိုးသားတို့အဖို့ ကျာပွတ်ဖြစ်လာကြ၏။ ဘီစီ ၅၈၈–၅၅၉ ခန့်။
အခန်းကြီး ၆
ယာကုပ်သည် ယုဒလူမျိုးတို့၏သမိုင်းကို ပြန်လည်ပြောပြ၏။ ဗာဗုလုန်မြို့သို့ ဖမ်းဆီးချုပ်နှောင်ခံရခြင်းနှင့် ပြန်လာခြင်း၊ ဣသရေလအမျိုး၏ သန့်ရှင်းတော်မူသောဘုရား အမှုတော်ဆောင်ခြင်းနှင့် လက်ဝါးကပ်တိုင်၌ ကွပ်မျက်ခံရတော်မူခြင်း၊ တပါးအမျိုးသားတို့ထံမှ ရရှိသောကူညီမှု၊ ယုဒလူမျိုးတို့ မေရှိယကို ယုံကြည်သောအခါ၊ နောက်ပိုင်းကာလ၌ သူတို့ထံသို့ ပြန်လည်အပ်နှင်းခြင်း။ ဘီစီ ၅၅၉–၅၄၅ ခန့်။
အခန်းကြီး ၇
ယာကုပ်သည် ဟေရှာယအနာဂတ္တိကျမ်းကို ဆက်၍ဖတ်၏။ ဟေရှာယသည် မေရှိယအကြောင်းကို ဟောပြော၏—မေရှိယသည် လူတတ်တို့၏နှုတ်သတ္တိကို ရရှိလိမ့်မည်—သူသည် ရိုက်သောသူတို့အား မိမိကျောကို ပေးတော်မူလိမ့်မည်—သူသည် မရှုံးနိမ့်ရ—ဟေရှာယအခန်းကြီး ၅၀ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၈
ယာကုပ်သည် ဟေရှာယအနာဂတ္တိကျမ်းကို ဆက်၍ ဖတ်၏။ နောက်ဆုံးသောကာလ၌၊ ကိုယ်တော်ရှင်သည် ဇိအုန်မြို့ကို ချမ်းသာပေးပြီး၊ ဣသရေလအမျိုးတို့ကို စုဝေးတော်မူမည်—ရွေးနှုတ်ခံရသောသူတို့သည် ဇိအုန်မြို့သို့ရောက်လာပြီး၊ ကြီးစွာသောဝမ်းမြောက်ခြင်းအလယ်၌ ရှိကြမည်—ဟေရှာယအခန်းကြီး ၅၁၊ ၅၂း ၁–၂ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၉
ကာကုပ်သည် ယုဒလူမျိုးတို့ သူတို့၏ကတိတော်မြေ၌ စုဝေးကြလိမ့်မည်ဖြစ်ကြောင်းကို ရှင်းပြ၏—အပြစ်ဖြေခြင်းမင်္ဂလာသည် လူသားကို ကျရှုံးခြင်းမှ ရွေးနှုတ်တော်မူ၏—သေသူတို့၏ ကိုယ်ခန္ဓာများသည် သင်္ချိုင်းတွင်းမှ လည်းကောင်း၊ သူတို့၏ဝိညာဉ်များသည် ငရဲနှင့် အတိသုခဘုံတို့မှ လည်းကောင်း ထွက်ပေါ်လာကြမည်—သူတို့သည် တရားစီရင်ခံရကြမည်—အပြစ်ဖြေခြင်းမင်္ဂလာသည် သေခြင်း၊ ငရဲ၊ နတ်ဆိုးနှင့် အဆုံးမရှိသည့် စိတ်ဆင်းရဲကိုယ်ဆင်းရဲဖြစ်ခြင်းတို့မှ ကယ်တင်တော်မူ၏—ဖြောင့်မတ်သောသူတို့သည် ဘုရားသခင်၏နိုင်ငံတော်၌ ကယ်တင်ခြင်းသို့ ရောက်ရကြ၏—အပြစ်များအတွက် ပြစ်ဒဏ်များကို ဖော်ပြထား၏—ဣသရေလအမျိုး၏ သန့်ရှင်းတော်မူသောဘုရားသည် တံခါးမှူးဖြစ်တော်မူ၏။ ဘီစီ ၅၅၉–၅၄၅ ခန့်။
အခန်းကြီး ၁၀
ယာကုပ်သည် ယုဒလူမျိုးများ သူတို့၏ဘုရားသခင်အား လက်ဝါးကပ်တိုင်၌ ကွပ်မျက်ကြမည့်အကြောင်းကို ရှင်းပြ၏—သူတို့သည် သူ့ကို ယုံကြည်စပြုသည့်အချိန်အထိ ကွဲပြားပြန့်ကျဲကြလိမ့်မည်—အမေရိကသည် ရှင်ဘုရင်အုပ်စိုးမှုမရှိသည့် လွတ်လပ်ရာပြည် ဖြစ်လိမ့်မည်—သင်တို့ကိုယ်သင်တို့ ဘုရားသခင်ထံသို့ မိတ်သဟာယဖွဲ့ ၍၊ ကယ်တင်ခြင်းကို သူ၏ကျေးဇူးတော်အားဖြင့် ရရှိကြလော့။ ဘီစီ ၅၅၉–၅၄၅ ခန့်။
အခန်းကြီး ၁၁
ယာကုပ်သည် သူ၏ရွေးနှုတ်ရှင်ကို မြင်၏—မောရှေ၏ပညတ်တရားများက ခရစ်တော်၏အမှတ်လက္ခဏာကိုပြ၍၊ သူကြွတော်မူလာမည်ကိုပြ၏။ ဘီစီ ၅၅၉–၅၄၅ ခန့်။
အခန်းကြီး ၁၂
ဟေရှာယသည် နောက်ပိုင်းကာလ ဗိမာန်တော်၊ ဣသရေလအမျိုးတို့၏ စုဝေးခြင်း၊ နှစ်တစ်ထောင်ကာလတရားစီရင်ခြင်းနှင့် ငြိမ်းချမ်းခြင်းတို့ကို မြင်၏—မာနကြီးသောသူများနှင့် ဆိုးညစ်သောသူများသည် ဒုတိယအကြိမ် ကြွလာတော်မူသောအခါ၌ နှိမ့်ချခံရကြလိမ့်မည်—ဟေရှာယအခန်းကြီး ၂ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၁၃
ယုဒပြည်နှင့် ယေရုရှလင်မြို့သည် သူတို့၏မနာခံမှုအတွက် အပြစ်ဒဏ်ပေးခံရကြလိမ့်မည်—ကိုယ်တော်ရှင်သည် သူ၏လူမျိုးတို့အတွက် အမှုတို့ကို စောင့်တော်မူပြီး၊ တရားစီရင်တော်မူ၏—ဇိအုန်သတို့သမီးတို့သည် မိမိတို့၏လောကီတဏှာကြောင့်၊ ကျိန်ခြင်းနှင့် စိတ်ဆင်းရဲကိုယ်ဆင်းရဲဖြစ်ခြင်းတို့ကို ခံစားရကြ၏—ဟေရှာယအခန်းကြီး ၃ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၁၄
ဇိအုန်နှင့်သူ၏သတို့သမီးတို့သည် အနှစ်တစ်ထောင်ကာလတွင် ရွေးနှုတ်ခြင်းနှင့် သန့်စင်စေခြင်းကို ခံရကြမည်—ဟေရှာယအခန်းကြီး ၄ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၁၅
ကိုယ်တော်ရှင်၏စပျစ်ဥယျာဉ် (ဣသရေလအမျိုး) သည် လူဆိတ်ညံရာ ဖြစ်လာ၍၊ သူ၏လူမျိုးတို့သည် ကွဲပြားပြန့်ကျဲကြလိမ့်မည်—သူတို့၏ ဖောက်ပြန်သင်းကွဲ၍၊ ကွဲပြားပြန့်ကျဲသည့်အခြေအနေတွင်၊ အမင်္ဂလာများ ကျရောက်လာလိမ့်မည်—ကိုယ်တော်ရှင်သည် အလံကိုထူ၍၊ ဣသရေလအမျိုးတို့ကို စုဝေးစေလိမ့်မည်—ဟေရှာယအခန်းကြီး ၅ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၁၆
ဟေရှာယသည် ကိုယ်တော်ရှင်ကို မြင်၏—ဟေရှာယ၏အပြစ်များ ခွင့်လွှတ်ခံရ၏—သူသည် ပရောဖက်ပြု၍ဟောရန် အခေါ်ခံရ၏—သူသည် ယုဒလူမျိုးတို့ ခရစ်တော်၏ တရားတော်များကို ငြင်းပယ်ကြသည့်အကြောင်းကို ပရောဖက်ပြု၍ဟော၏—ကျန်ကြွင်းသောသူတို့သည် ပြန်လာကြလိမ့်မည်—ဟေရှာယအခန်းကြီး ၆ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၁၇
ဧဖရိမ်ပြည်နှင့်ရှုရိပြည်သည် ယုဒပြည်နှင့် စစ်တိုက်ကြ၏—ခရစ်တော်ကို အပျိုကညာက ဖွားမြင်လိမ့်မည်—ဟေရှာယအခန်းကြီး ၇ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၁၈
ခရစ်တော်သည် ထိမိ၍လဲစရာကျောက်ခဲနှင့် မှားယွင်းစရာကျောက်သဖွယ်ဖြစ်လိမ့်မည်—ကိုယ်တော်ရှင်ကို ဆည်းကပ်ကြလော့၊ တိုးတိုးပြောသည့်စုန်းတို့ကို မဆည်းကပ်နှင့်—လမ်းညွှန်မှုအတွက် တရားတော်နှင့် သက်သေခံတော်မူချက်တို့ထံ လှည့်၍လာကြလော့—ဟေရှာယအခန်းကြီး ၈ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၁၉
ဟေရှာယသည် မေရှိယအကြောင်းကို ဟောပြော၏—မှောင်မိုက်ထဲမှလူတို့သည် ကြီးစွာသောအလင်းကို မြင်ကြလိမ့်မည်—ငါတို့အဖို့ သူငယ်ကို ဖွားမြင်၏—သူသည် ငြိမ်းချမ်းခြင်း၏အရှင်ဖြစ်၍၊ ဒါဝိဒ်၏ပလ္လင်ပေါ်၌ အုပ်စိုးတော်မူလိမ့်မည်—ဟေရှာယအခန်းကြီး ၉ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၂၀
အာရှုရိပြည် ပျက်စီးခြင်းသည် ဒုတိယအကြိမ် ကြွလာတော်မူသောအခါ၌ ဆိုးညစ်သူတို့ပျက်စီးခြင်း၏ သင်္ကေတ တစ်ခုဖြစ်၏—ကိုယ်တော်ရှင်နောက်တစ်ဖန် ကြွလာတော်မူပြီးနောက်တွင်၊ အနည်းငယ်သောလူတို့ကျန်ရှိလိမ့်မည်—ထိုကာလ၌၊ ယာကုပ်အမျိုး၏ကျန်ကြွင်းသောသူတို့ ပြန်လာကြမည်—ဟေရှာယအခန်းကြီး ၁၀ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၂၁
ယေရှဲအမျိုး၏အငုတ် (ခရစ်တော်) သည် ဖြောင့်မတ်ခြင်းဖြင့် တရားစီရင်တော်မူလိမ့်မည်—ဘုရားသခင် အကြောင်း အသိပညာသည် အနှစ်တစ်ထောင်ကာလ၌ မြေကြီးကို လွှမ်းမိုးလိမ့်မည်—ကိုယ်တော်ရှင်သည် အလံကိုထူ၍၊ ဣသရေလအမျိုးတို့ကို စုဝေးစေလိမ့်မည်—ဟေရှာယအခန်းကြီး ၁၁ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၂၂
အနှစ်တစ်ထောင်ကာလ၌ ခပ်သိမ်းသောလူသားတို့သည် ကိုယ်တော်ရှင်ကို ချီးမွမ်းကြမည်—သူသည် ထိုသူတို့၌ ကိန်းဝပ်တော်မူမည်—ဟေရှာယအခန်းကြီး ၁၂ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၂၃
ဗာဗုလုန်မြို့ပျက်စီးခြင်းသည် ဒုတိယအကြိမ်ကြွလာတော်မူသောအခါ၌ ပျက်စီးခြင်း၏ သင်္ကေတတစ်ခုဖြစ်၏—ထိုကာလသည် အမျက်တော်နှင့် လက်တုံ့ပြန်ခြင်းတို့၏နေ့ ဖြစ်လိမ့်မည်—ဗာဗုလုန်မြို့ (ဤလောက) သည် အစဉ်အမြဲ ကျဆုံးမည်—ဟေရှာယအခန်းကြီး ၁၃ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၂၄
ဣသရေလအမျိုးတို့သည် စုဝေးကြ၍၊ အနှစ်တစ်ထောင်ကာလချမ်းသာခြင်း၌ ပျော်မွေ့ကြလိမ့်မည်—လူစီဖာသည် ပုန်ကန်ခြင်းကြောင့် ကောင်းကင်ဘုံမှ နှင်ထုတ်ခံရ၏—ဣသရေလအမျိုးတို့သည် ဗာဗုလုန်မြို့ (ဤလောက) ကို အောင်နိုင်လိမ့်မည်—ဟေရှာယအခန်းကြီး ၁၄ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၂၅
နီဖိုင်းသည် ရှင်းလင်းခြင်း၌ ရွှင်လန်းဝမ်းမြောက်၏—ဟေရှာယ၏ ပရောဖက်ပြုဟောချက်များကို နောက်ဆုံးသောကာလ၌ နားလည်ကြလိမ့်မည်—ယုဒလူမျိုးတို့သည် ဗာဗုလုန်မြို့မှ ပြန်လာ ကြလိမ့်မည်၊ မေရှိယကို လက်ဝါးကပ်တိုင်မှာ ကွပ်မျက်ကြလိမ့်မည်၊ ကွဲပြားပြန့်ကျဲလျက်၊ ဒဏ်ခတ်ခံရကြလိမ့်မည်—သူတို့သည် မေရှိယကိုယုံကြည်လာသောအခါ၌ ပြန်လည်ဆောင်ယူခံရကြလိမ့်မည်—သူသည် လေဟိယေရုရှလင်မြို့ကို စွန့်ခွာခဲ့ပြီးနောက်၊ နှစ်ပေါင်းခြောက်ရာကြာလျှင်၊ ပထမဆုံး ကြွလာတော်မူလိမ့်မည်—နီဖိုင်းအမျိုးသားတို့သည် မောရှေ၏ပညတ်တရားကို စောင့်ထိန်း၍၊ ဣသရေလအမျိုး၏ သန့်ရှင်းတော်မူသောဘုရားဖြစ်သည့် ခရစ်တော်ကိုယုံကြည်ကြ၏။ ဘီစီ ၅၅၉–၅၄၅ ခန့်။
အခန်းကြီး ၂၆
ခရစ်တော်သည် နီဖိုင်းအမျိုးသားတို့ကို အမှုတော်ဆောင်လိမ့်မည်—နီဖိုင်းသည် သူ့လူမျိုးတို့၏ ပျက်စီးခြင်းကို ကြိုတင်၍မြင်၏—သူတို့သည် မြေမှုန့်မှ စကားပြောကြလိမ့်မည်—တပါးအမျိုးသားတို့သည် မှားသောအသင်းတော်များနှင့် လျှို့ဝှက်ဂိုဏ်းများကို တည်ထောင်ကြလိမ့်မည်—ကိုယ်တော်ရှင်သည် လူသားတို့အား ဘာသာရေးဖြင့်ကိုယ်ကျိုးရှာခြင်းများ ကျင့်သုံးခြင်းကို တားမြစ်တော်မူ၏။ ဘီစီ ၅၅၉–၅၄၅ ခန့်။
အခန်းကြီး ၂၇
မှောင်မိုက်နှင့် ဖောက်ပြန်သင်းကွဲခြင်းတို့သည် နောက်ဆုံးသောကာ၌ မြေကြီးကို ဖုံးလွှမ်းလိမ့်မည်—မော်မုန်ကျမ်း ပေါ်ထွက်လာလိမ့်မည်—သက်သေသုံးဦးတို့က ထိုကျမ်းအကြောင်းကို သက်သေခံကြလိမ့်မည်—စာတတ်သောလူသည် တံဆိပ်ခတ်ထားသောကျမ်းကို မဖတ်နိုင်ဟု ပြောလိမ့်မည်—ကိုယ်တော်ရှင်သည် အံ့ဩဖွယ်ကောင်းသောအမှုနှင့် အံ့မခန်းချီးမွမ်းဖွယ်အမှုကို ပြုတော်မူလိမ့်မည်—ဟေရှာယအခန်းကြီး ၂၉ နှင့် နှိုင်းယှဉ်ပါ။ ဘီစီ ၅၅၉–၅၄၅ ခန့်။
အခန်းကြီး ၂၈
မှားယွင်းသည့် အသင်းတော်များစွာတို့ကို နောက်ဆုံးသောကာလ၌ တည်ထောင်ကြလိမ့်မည်—မှားယွင်း၍ အချည်းနှီးဖြစ်သော မိုက်မဲသည့်ဩဝါဒများကို ထိုအသင်းတော်များက သွန်သင်ပေးလိမ့်မည်—မှားယွင်းသောဆရာများကြောင့်၊ ဖောက်ပြန်သင်းကွဲခြင်းပျံ့နှံ့လိမ့်မည်—နတ်ဆိုးသည် လူသားတို့၏စိတ်နှလုံးကို လှုပ်ရှားထကြွစေလိမ့်မည်—သူသည် မှားယွင်းသောဩဝါဒအမျိုးမျိုးတို့ကို သွန်သင်ပေးလိမ့်မည်။ ဘီစီ ၅၅၉–၅၄၅ ခန့်။
အခန်းကြီး ၂၉
တပါးအမျိုးသားများစွာတို့သည် မော်မုန်ကျမ်းကို ငြင်းပယ်ကြလိမ့်မည်—ငါတို့သည် အပို သမ္မာကျမ်းကို မလိုတော့ပြီဟု ပြောကြလိမ့်မည်—ကိုယ်တော်ရှင်သည် လူမျိုးများစွာတို့ကို မြွက်ဆိုတော်မူ၏—သူသည် လောကကို ရေးမည့် ကျမ်းများအတိုင်း တရားစီရင်တော်မူလိမ့်မည်။ ဘီစီ ၅၅၉–၅၄၅ ခန့်။
အခန်းကြီး ၃၀
ပြောင်းလဲခဲ့သည့် တစ်ပါးအမျိုးသားတို့သည် ပဋိညာဉ်ခံလူမျိုးတို့နှင့်အတူ ရေတွက်ခံရလိမ့်မည်—များစွာသောလာမန်အမျိုးသားများနှင့် ယုဒလူမျိုးတို့သည် နှုတ်ကပတ်တော်ကို ယုံကြည်လိမ့်မည်၊ နှစ်သက်ဖွယ်လည်းဖြစ်လာကြလိမ့်မည်—ဣသရေလအမျိုးတို့သည် ပြန်လည်အပ်နှင်း ခံရလိမ့်မည်၊ ဆိုးညစ်သောသူတို့သည် ဖျက်ဆီးခံရကြလိမ့်မည်။ ဘီစီ ၅၅၉–၅၄၅ ခန့်။
အခန်းကြီး ၃၁
နီဖိုင်းသည် ခရစ်တော်အဘယ်ကြောင့် ဗတ္တိဇံခံတော်မူကြောင်းကို ပြောပြ၏—လူသားတို့သည် ကယ်တင်ခြင်းသို့ ရောက်စေရန် ခရစ်တော်၏နောက်သို့ လိုက်ရမည်၊ ဗတ္တိဇံခံရမည်၊ သန့်ရှင်းသောဝိညာဉ်တော်ကို လက်ခံရရှိရမည်၊ ထို့အတူ အဆုံးတိုင်အောင် တည်ကြည်ရမည်—နောင်တရခြင်းနှင့် ဗတ္တိဇံသည် ကျပ်တည်းကျဉ်မြောင်းသည့်လမ်းသို့ သွားသည့် တံခါးဝဖြစ်၏—ဗတ္တိဇံခံပြီးနောက် ပညတ်တော်များကို စောင့်ထိန်းသည့်သူများဆီသို့ ထာဝရအသက် ရောက်ရှိ၏။ ဘီစီ ၅၅၉–၅၄၅ ခန့်။
အခန်းကြီး ၃၂
ကောင်းကင်တမန်တို့သည် သန့်ရှင်းသောဝိညာဉ်တော်၏တန်ခိုးအားဖြင့် ဟောပြောကြ၏—လူသားတို့သည် သူတို့ကိုယ်တိုင် ဆုတောင်း၍၊ သန့်ရှင်းသောဝိညာဉ်တော်ထံမှ အသိပညာကို ရရှိရကြမည်။ ဘီစီ ၅၅၉–၅၄၅ ခန့်။
အခန်းကြီး ၃၃
နီဖိုင်း၏စကားများသည် မှန်ကန်၏—ထိုအရာတို့က ခရစ်တော်အကြောင်းကို သက်သေခံကြ၏—ခရစ်တော်ကို ယုံကြည်သောသူတို့သည် တရားစီရင်ရာတိုင်ရှေ့၌ သက်သေအဖြစ်ရှိကြမည့် နီဖိုင်း၏စကားများကို ယုံကြည်ကြလိမ့်မည်။ ဘီစီ ၅၅၉–၅၄၅ ခန့်။