ဟေလမန်

ကျမ်းစာများ

မော်မုန်ကျမ်း

အကြောင်းအရာများ
နိဒါန်းနှင့် သက်သေများ
၁ နီဖိုင်း
၂ နီဖိုင်း
ယာကုပ်
ဧနုတ်
ယာရုမ်
ဩမနိ
မော်မုန်၏စကားများ
မောဇိယ
အယ်လမာ
ဟေလမန်
၃ နီဖိုင်း
၄ နီဖိုင်း
မော်မုန်
ဧသာ
မော်ရော်နိုင်း
မော်မုန်ကျမ်းအတွက် ကိုးကားချက်လမ်းညွှန်

ဟေလမန်

အခန်းကြီး ၁
ဒုတိယပါဟောရန်သည် တရားသူကြီးချုပ်ဖြစ်လာပြီး၊ ခိရှခူမင်အားဖြင့် အသတ်ခံရ၏—ပါကူမေနိသည် တရားပလ္လင်၌ ထမ်းဆောင်၏—ကောရန္တူမာသည် လာမန်အမျိုးသားတပ်များကို ဦးဆောင်၍၊ ဇရဟင်မလကို သိမ်းယူ၍၊ ပါကူမေနိကို ကွပ်မျက်၏—မော်ရော်နိဟသည် လာမန်အမျိုးသားတို့ကို အနိုင်ရ၍၊ ဇရဟင်မလကို ပြန်လည်သိမ်းယူ၏၊ ကော်ရန္တူမာလည်း ကွပ်မျက်ခံရ၏။ ဘီစီ ၅၂–၅၀ ခန့်။
အခန်းကြီး ၂
ဟေလမန်၏သား ဟေလမန်သည် တရားသူကြီးချုပ်ဖြစ်လာ၏—ဂါဒျန်တန်သည် ခိရှခူမင်၏အဖွဲ့ကို ဦးဆောင်၏—ဟေလမန်၏ကျွန်သည် ခိရှခူမင်ကို ကွပ်မျက်၏၊ ဂါဒျန်တန်အဖွဲ့သည်လည်း တောရိုင်းထဲသို့ ထွက်ပြေးသွား၏။ ဘီစီ ၅၀–၄၉ ခန့်။
အခန်းကြီး ၃
များစွာသောနီဖိုင်းအမျိုးသားတို့သည် မြောက်ဘက်လားရာပြည်သို့ နေရာပြောင်းရွှေ့ကြ၏—သူတို့သည် အင်္ဂတေအိမ်များကို တည်ဆောက်၍၊ များစွာသောမှတ်တမ်းများကို ရေးကြ၏—သောင်းပေါင်းများစွာတို့သည် ပြောင်းလဲ၍ ဗတ္တိဇံခံကြ၏—ဘုရားသခင်၏နှုတ်ကပတ်တော်သည် လူသားတို့ကို ကယ်တင်ခြင်းသို့ ပို့ဆောင်၏—ဟေလမန်၏သားနီဖိုင်းသည် တရားပလ္လင်၌ ထမ်းဆောင်၏။ ဘီစီ ၄၉–၃၉ ခန့်။
အခန်းကြီး ၄
နီဖိုင်းအမျိုးသားသဘောကွဲလွဲသောသူများနှင့် လာမန်အမျိုးသားတို့သည် အင်အားစုများပူးပေါင်း၍၊ ဇရဟင်မလပြည်ကို သိမ်းယူကြ၏—နီဖိုင်းအမျိုးသားတို့၏ အရေးနိမ့်ခြင်းသည် သူတို့၏ဆိုးညစ်ခြင်းကြောင့် ကျရောက်၏—အသင်းတော်သည် လျော့ပါးဆုတ်ယုတ်လာ၏၊ လူတို့သည်လည်း လာမန်အမျိုးသားများကဲ့သို့ အားနည်းလာကြ၏။ ဘီစီ ၃၈–၃၀ ခန့်။
အခန်းကြီး ၅
နီဖိုင်းနှင့် လေဟိသည် ဟောပြောခြင်း၌ သူတို့ကိုယ်ကို ဆက်ကပ်ကြ၏—သူတို့၏အမည်များက သူတို့အသက်တာကို သူတို့ဘိုးဘေးတို့အတိုင်း စံနမူနာယူစေရန် ဖိတ်ခေါ်၏—ခရစ်တော်သည် နောင်တရသောသူတို့ကို ရွေးနှုတ်တော်မူ၏—နီဖိုင်းနှင့် လေဟိသည် များစွာသောသူတို့ကို ပြောင်းလဲစေ၏။ ထောင်ထဲ၌လှောင်ထားခံရ၏၊ မီးသည်လည်း သူတို့ကို ဝိုင်းပတ်၏—မှောင်မိုက်ခြင်းတိမ်တိုက်သည် လူသုံးရာကို လွှမ်းမိုး၏—မြေကြီးလှုပ်၍၊ အသံက လူတို့ကို နောင်တရရန် မိန့်တော်မူ၏—နီဖိုင်းနှင့် လေဟိတို့သည် ကောင်းကင်တမန်တို့နှင့် စကားပြောကြ၏၊ လူအစုအဝေးသည် မီးဘေးဖြင့် ဝိုင်းပတ်ခံရကြ၏။ ဘီစီ ၃၀ ခန့်။
အခန်းကြီး ၆
ဖြောင့်မတ်သောလာမန်အမျိုးသားတို့သည် ဆိုးညစ်သောနီဖိုင်းအမျိုးသားတို့ကို ဟောပြောကြ၏—လူမျိုးနှစ်မျိုးစလုံးသည် ငြိမ်းချမ်းခြင်းနှင့် ပေါများခြင်းကာလတစ်ခုအတွင်း၌ အောင်မြင်ကြ၏—အပြစ်ကိုဖန်တီးသူ လူစီဖာသည် ဆိုးညစ်သူတို့နှင့် ဂါဒျန်တန်ဓားပြတို့၏စိတ်နှလုံးကို လူ့အသက်သတ်ခြင်းနှင့် ဆိုးညစ်ခြင်းတို့၌ နှိုးဆော်၏—ဓားပြတို့သည် နီဖိုင်းအမျိုးသားအစိုးရကို လွှဲယူကြ၏။ ဘီစီ ၂၉–၂၃ ခန့်။
အခန်းကြီး ၇
နီဖိုင်းသည် မြောက်ဘက်တွင် ငြင်းပယ်ခံရ၍ ဇရဟင်မလပြည်သို့ ပြန်လာ၏—သူသည် သူ၏ဥယျာဉ်ရှိ လင့်စင်ပေါ်၌ ဆုတောင်းပြီးလျှင်၊ လူတို့ကို နောင်တရရန်တောင်းဆို၏၊ သို့မဟုတ်လျှင် ပျက်စီးကြလိမ့်မည်။ ဘီစီ ၂၃–၂၁ ခန့်။
အခန်းကြီး ၈
ဖောက်ပြန်သောတရားသူကြီးတို့သည် နီဖိုင်း၏တစ်ဖက်၌ လူတို့ကို သွေးထိုးလှုံ့ဆော်ရန် ကြိုးစား၏—အာဗြဟံ၊ မောရှေ၊ ဇေနုတ်၊ ဇေနော့၊ ဧဇိယ၊ ဟေရှာယ၊ ယေရမိ၊ လေဟိနှင့် နီဖိုင်းတို့အားလုံးသည် ခရစ်တော်အကြောင်းကို သက်သေခံကြ၏—လမ်းပြလှုံ့ဆော်မှုအားဖြင့် နီဖိုင်းသည် တရားသူကြီးချုပ်အား သတ်ခြင်းကို ကြေညာ၏။ ဘီစီ ၂၃–၂၁ ခန့်။
အခန်းကြီး ၉
တမန်တို့သည် တရားသူကြီးချုပ်ကို တရားပလ္လင်၌ သေနေသည်ကို တွေ့ရှိကြ၏—သူတို့သည် ထောင်ထဲ၌ လှောင်ထားခံရ၏၊ နောက်ပိုင်း၌ လွှတ်ပေးခံရကြ၏—လမ်းပြလှုံ့ဆော်မှုအားဖြင့်၊ နီဖိုင်းသည် ရှေနတမ်ကို လူ့အသက်သတ်သောသူအဖြစ် ဖော်ထုတ်၏—နီဖိုင်းကို ပရောဖက်တစ်ပါးအဖြစ် အချို့သောသူများက လက်ခံကြ၏။ ဘီစီ ၂၃–၂၁ ခန့်။
အခန်းကြီး ၁၀
ကိုယ်တော်ရှင်သည် နီဖိုင်းအား စည်းနှောင်ခြင်းတန်ခိုးကို ပေး၏—သူသည် မြေကြီးပေါ်နှင့် ကောင်းကင်ဘုံ၌ ချည်နှောင်စေရန်နှင့် ဖြေလွှတ်စေရန် အခွင့်လွှဲအပ်ခံရ၏—သူသည် လူတို့ကို နောင်တရရန်၊ သို့မဟုတ်လျှင်၊ ပျက်စီးမည့်အကြောင်း မိန့်မှာ၏—ဝိညာဉ်တော်သည် သူ့ကို လူအစုအဝေးတစ်ခုမှ လူအစုအဝေးတစ်ခုသို့ ဆောင်ယူတော်မူ၏။ ဘီစီ ၂၁–၂၀ ခန့်။
အခန်းကြီး ၁၁
နီဖိုင်းသည် ကိုယ်တော်ရှင်အား မိမိတို့စစ်တိုက်ခြင်းကို ငတ်မွတ်ခေါင်းပါးခြင်းဘေးဖြင့် အစားထိုးရန် တောင်းဆို၏—များစွာသောလူတို့ ပျက်စီးကြ၏—သူတို့သည် နောင်တရကြ၏၊ နီဖိုင်းသည် ကိုယ်တော်ရှင်အား မိုးရွာစေရန် အပူတပြင်းတောင်းဆို၏—နီဖိုင်းနှင့် လေဟိတို့သည် များစွာသော ဗျာဒိတ်တော်များကို လက်ခံရရှိကြ၏—ဂါဒျန်တန်ဓားပြတို့သည် သူတို့ကိုယ်သူတို့ ထိုပြည်၌ ခိုင်မာစွာ တည်ဆောက်ကြ၏။ ဘီစီ ၂၀–၆ ခန့်။
အခန်းကြီး ၁၂
လူသားတို့သည် မတည်ကြည်၊ မိုက်မဲ၍၊ မကောင်းမှုကိုပြုရန် လျင်မြန်ကြ၏—ကိုယ်တော်ရှင်သည် သူ၏လူမျိုးတို့ကို ဆုံးမတော်မူ၏—လူသား၏အရေးမပါခြင်းကို ဘုရားသခင်၏တန်ခိုးတော်နှင့် နှိုင်းယှဉ်ထား၏—တရားစီရင်တော်မူရာနေ့၌၊ လူသားတို့သည် ထာဝရတည်မြဲသောအသက်တာ၊ သို့မဟုတ် ထာဝရတည်မြဲသောအပြစ်ဒဏ်ရောက်ခြင်းကို ရရှိကြမည်။ ဘီစီ ၆ ခန့်။
အခန်းကြီး ၁၃
လာမန်အမျိုးသားရှမွေလသည် နီဖိုင်းအမျိုးသားတို့ နောင်တမရလျှင်၊ သူတို့၏ပျက်စီးခြင်းကို ပရောဖက်ပြု၍ ဟော၏—သူတို့နှင့် သူတို့၏စည်းစိမ်ဥစ္စာများသည် အကျိန်ခံရ၏—သူတို့သည် ပရောဖက်တို့ကို ငြင်းပယ်၍၊ ကျောက်ခဲနှင့်ပစ်သဖြင့် နတ်ဆိုးတို့၏ဝိုင်းပတ်ခြင်းကို ခံရ၏၊ ဒုစရိုက်ကို ပြုရာ၌ ပျော်ရွှင်ခြင်းကို ရှာဖွေကြ၏။ ဘီစီ ၆ ခန့်။
အခန်းကြီး ၁၄
ရှမွေလသည် ခရစ်တော်ဖွားမြင်တော်မူရာကာလ၌ ညဉ့်အချိန်၏အလင်းနှင့် အသစ်ဖြစ်သောကြယ်တို့ကို ကြိုတင်ဟောကိန်းထုတ်၏—ခရစ်တော်သည် လူသားတို့ကို ဇာတိပကတိနှင့် ဝိညာဉ်ပကတိသေခြင်းတို့မှ ရွေးနှုတ်တော်မူ၏—သူ့သေခြင်း၏ နိမိတ်လက္ခဏာတို့၌၊ မှောင်မိုက်ခြင်းသုံးရက်၊ ကျောက်များကွဲခြင်းနှင့် လောကဓာတ်၏အုံကြွခြင်းတို့ ပါဝင်၏။ ဘီစီ ၆ ခန့်။
အခန်းကြီး ၁၅
ကိုယ်တော်ရှင်သည် နီဖိုင်းလူမျိုးတို့ကို ချစ်တော်မူသောကြောင့် ဆုံးမတော်မူ၏—ပြောင်းလဲသောလာမန်အမျိုးသားတို့သည် ယုံကြည်ခြင်း၌ ခိုင်မာလျက်၊ မြဲမြံစွာရှိကြ၏—ကိုယ်တော်ရှင်သည် လာမန်အမျိုးသားတို့ကို နောက်ပိုင်းကာလများ၌ ကရုဏာကြီးတော်မူလိမ့်မည်။ ဘီစီ ၆ ခန့်။
အခန်းကြီး ၁၆
ရှမွေလကို ယုံကြည်သောနီဖိုင်းအမျိုးသားတို့သည် နီဖိုင်းအားဖြင့် ဗတ္တိဇံခံကြ၏—ရှမွေလကို နောင်တမရသော နီဖိုင်းအမျိုးသားတို့၏ မြားများနှင့် ကျောက်ခဲတို့ဖြင့် မကွပ်မျက်နိုင်ကြ—အချို့သောသူတို့သည် မိမိတို့စိတ်နှလုံးကို မာကျောစေ၏၊ အခြားသောသူတို့သည် ကောင်းကင်တမန်တို့ကို မြင်၏—ခရစ်တော်နှင့် ယေရုရှလင်၌ သူ၏ကြွလာတော်မူခြင်းကို ယုံကြည်ရန်မှာ ယုတ္တိမရှိဟု မယုံကြည်သူတို့က ဆိုကြ၏။ ဘီစီ ၆–၁ ခန့်။

ပုံနှိပ်သည်

ရောင်စုံမင် သားခြင်းများနှင့် မျဥ်းသားခြင်းများပါဝင်သည်

အသုံးပြုရန်စာရင်းဝင်မည်

အောက်ခြေမှတ်စုများထည့်သွင်းခြင်း