1 Saray salita nen Cristo, ya imbalikas to ed saray disipulos to, saray labindua a pinili to, sanen itapew to so lima to ed sikara—

2 Tan tinawag to ra ed ñgaran da, a nankuan: Sikayo so ontawag ed Ama ed ñgaran ko, ed madaleyet a pikakasi; tan kayari a saya so gawaen yo sikayo so nawalaan na pakapanyari ed saman so pañgitapewan yo na lima yo, niiter yo so Espiritu Santo; tan dia ed ñgaran ko iter yo so saya, tan onia so gawaen na saray apostoles ko.

3 Natan si Cristo imbalikas to so saraya a salita ed sikara ed unaan a panaon ya impampanengneng to; tan saray karaklan ag da nadñgel so saya, balet saray disipulos nadñgel da; tan no kaonoñgan so kinarakel na añgitapewan da na saray lima da, dinmapo so Espiritu Santo.