1 Say kanengneñgan a saray disipulos, a sikara so tinawag ya elders na simbaan, inordinan da so saray sacerdote tan saray managbañgat—

2 Kayari na impampikasi ra ed Ama ed ñgaran nen Cristo, intapew da so saray lima da ed sikara, tan inkuan da:

3 Dia ed ñgaran nen Jesu Cristo sika so ordinan ko a sakey a sacerdote (odino no sikato so sakey a managbañgat), ordinan taka a sakey a managbañgat, a mañgipulong na pambabawi tan pamaandi na saray kasalanan ed panamegley nen Jesu Cristo, dia ed panamegley na pansiansia ed pananisia ed ñgaran to ya anga ed sampot. Amen.

4 Tan unong na saya a kanengneñgan inordinan da so saray sacerdote tan saray managbañgat, unong ed palabo tan tawag na Dios ed saray totoo; tan sikara so inordinan da ed pakapanyari na Espiritu Santo, a wala ed sikara.