1 Emi nye ^aAlpha na Omega, ^bEwuradze Christ no; nyew, emi nye ɔno, ahyɛse na ewiei no, wiadze Pomfo no.

2 Emi, na maayɛ ^ameewie nyia meyɛ nedze no ne pɛ, Egya no mpo, dza ɔfa moho no—maayɛ ndzɛmba nyina ama medze ne nyina ^bahyɛ mo tum ase—

3 Mowɔ ^atum nyina, dza medze ^bbɛsɛɛ Satan nye no ndwuma wɔ ^cwiadze ewiei mu mpo, na atsɛmbu da kɛse a odzi ewiei mu no, medze bɛba adasamba do, ^dmubobu ɔdasanyi biara atsɛn dɛ mbrɛ ^en’edwuma nye ndwuma a ɔayɛ tse.

4 Na nokwar, ɔdasanyi biara wɔ dɛ ^aonu noho annyɛ dɛm a ^bobohu amandze, na emi Nyankopɔn ^cminnyi ewiei,

5 Dɛm ntsi, ^amennkantse m’atsɛmbu a medze bɛba no, mbom mbusu bɛba, osũ, ^bkwadwomtwa, nye asetwɛr, nyew, na ɔbɛba hɔn a wobohu hɔn wɔ me ^cnsa bankum no do.

6 Naaso, ^awɔnnkyerɛɛw dɛ ahohyehye yi remmba ewiei, mbom wɔakyerɛw no dɛ ɔyɛ ^bahohyehye a onnyi ewiei.

7 Bio wɔakyerɛw no dɛ ɔyɛ ^aafɔdzi a onnyiewiei, dɛm ntsi wɔakyerɛkyerɛ mu koraa sen kyerɛwsɛm nkaa no, ama wɔaabɔ mu ayɛ edwuma wɔ adasamba hɔn akoma mu wɔ me dzin n’enyimnyam ntsi.

8 Dɛm ntsi, merebɛkyerɛ esumasɛm yi mu akyerɛ hom, osiandɛ oye ma hom dɛ hom hu tse dɛ m’esuafo noara.

9 Mekasa kyerɛ hom a wɔasan mu eyi hom wɔ dɛm adze yi mu, dɛ nyimpa kor ama hom eetum ahɛn ^am’ahomgye mu.

10 Na, hwɛ, mbrɛ nyamesu ho ^aesumasɛm mu si dɔɔ sõ a! Na, hwɛ, minnyi ewiei, na ntsẽa a ofi me nsamu ba no yɛ ntsẽa a onnyi ewiei osiandɛ ^bOnnyi Ewiei nye me dzin. Dɛm ntsi—

11 Ntsẽa ^aonnyiewiei yɛ Nyame ne ntsẽa.

12 Ntsẽa a onnyi ewiei yɛ Nyame ne ntsẽa.

13 Dɛm ntsi, mehyɛ wo dɛ nu wo ho, na dzi ^ambrasɛm a wo nsa akã efi m’akowaa Joseph Smith, Kakraba, hɔ wɔ me dzin mu no do;

14 Na ɔnam mo tum kɛse do na wo nsa akã;

15 Dɛm ntsi mehyɛ wo dɛ nu woho—nu woho, ɔno medze m’anomu abaa bɔhwe wo, na m’ebufuhyew na m’ebufuw, ama ^aw’amandzehu ayɛ yaw—mbrɛ ne yaw tse no, innyim, mbrɛ ne yaw ne kɛse so tse no innyim, nyew, mbrɛ ne dzen tse so innyim.

16 Na, hwɛ, emi Nyankopɔn, ^ameehu amandze yinom dze ama obiara, ama sɛ ^bwonu hɔnho a, ^cwoennhu amandze,

17 Mbom sɛ woennu hɔnho a ɔwɔ dɛ ^awohu amandze dɛ mbrɛ emi mpo muhunii no;

18 Amandzehu a ɔmaa emi a meyɛ Nyame a mo sõ sen obiara mpo no, moho popoe, osian yaw ntsi, na bɔgya fii mo honandua enyi nyina kyĩi, na muhun amandze wɔ honam nye sunsum mu—na mepɛɛ dɛ nkyɛ ^amonnkɔnom kuraba wenwen no ano na mawodow—

19 Naaso, enyimnyam nkã Egya no, na monomee na ^amuwiee mo mboaboaho biara yɛ dze maa adasamba.

20 Dɛm ntsi, mehyɛ wo bio dɛ nu wo ho, ɔno medze mo tum kɛse no bɛbrɛ wo adze; na ^aakã wo bɔn akyerɛ, ɔno ibohu amandze wɔ ntsea a maakã ho asɛm no, dza no mu kumaabi, nyew, no mu ketseketse mpo a esɔe hwɛe wɔ ber a motwee mo Sunsum fii hɔ no.

21 Na mehyɛ wo dɛ mma hom ^annkã nsɛm biara nnkyerɛ kã nnuho asɛm nko ho, na ^bmma mmfa ndzɛmba yinom nnkyerɛ wiadze kesi dɛ ɔbɛyɛ enyansadze ama me.

22 Osiandɛ worunntum ^anndzi nam sesei, mbom ɔwɔ dɛ wonya ^bnumfonsu; dɛm ntsi, ɔnnsɛ dɛ wohu ndzɛmba yinom, amma wɔaannhera.

23 Suã me, na tsie me nsɛm, ^anantsew ^bɔdwe mu wɔ mo Sunsum mu, na ibenya ^casomdwee wɔ mo mu.

24 Emi nye ^aJesus Christ, menam Egya ne pɛ do bae, na ne pɛ na meyɛ.

25 Na bio, mehyɛ wo dɛ mma ^aw’enyi mmber wo nyɛnko ne ^byer; anaa mmper dɛ ibeyi no nkwa efi hɔ.

26 Na bio, mehyɛ wo dɛ mma nnkata w’egyapadze do, na mbom fa ma kwa ma wɔmfa ntsintsim Mormon Nwoma no a ^anokwar na Nyame ne nsɛm wɔ mu no—

27 Dza ɔyɛ m’asɛm a medze ama ^aAmanamamfo no mu biara, na ɔnnkɛkyɛr biara na oedu ^bJewfo a wɔyɛ Lamanfo hɔn ^cnkaa no mu biara hɔn nkyɛn, ama wɔaagye asɛmpa no edzi, na wɔaannhwɛ ^dMessiah bi a ɔbɛba kwan, na onyia no ɔaba dada.

28 Na bio, mehyɛ wo dɛ ^abue w’ano ^bbɔ mpaa na bɔ no wɔ w’akoma mu so; nyew, wɔ wiadze enyim nye nsumaamu so, wɔ bagua mu nye kokoa mu so.

29 Na ^ada enyigyesɛm no edzi, nyew, bɔ no dawur wɔ mbepɔw do, nye bea biara a ɔkrɔn do, nye nyimpa nyinara a wɔbɛma wo kwan ma ehu hɔn no mu.

30 Na fa ahobrɛadze nyina yɛ, na ^agye me dzi, na mma nnkã nsɛmbɔn nntsia hɔn a wɔkã nsɛmbɔn tsia wo no.

31 Na mma nnkã ^aasɛmpa ne nkyerɛkyerɛ dza no mu dɔ no, ho hwee, na mbom kã nnuho ho asɛm nye ^bgyedzi wɔ Agyenkwa no mu, nye ^cbɔnfakyɛ a ofi ^denuma na ^eogya mu ba, nyew, ogya a ɔyɛ ^fSunsum Krɔnkɔn no.

32 Hwɛ, iyi nye ^ambrasɛm kɛse nye dza odzi ewiei a medze rebɛma wo a ɔfa dɛm asɛm yi ho; na iyi beye ama wo wɔ wo daa daa abrabɔ mu, dze ekesi wo bra n’ewiei mpo.

33 Na sɛ ibu ^aafotu yinom tootooba a, awerɛhow na ɔbɛba wo do, nyew, wɔbɛsɛɛ ɔwo nye w’egyapadze so mpo.

34 ^aFa w’egyapadze bi ma, nyew, wo nsaase bi so mpo, nye adze nyina gyedɛ dza edze bɔhwɛ w’ebusua nko.

35 Tua ^akaw biara a enye nyia oritsintsim nwoma no ^bedzi ano ma woesi no. Yi woho fi ^cnkowaasom mu.

36 ^aGya wo dan nye wo fie wɔ hɔ, gyedɛ ber a epɛ dɛ hom hu hom ebusuafo;

37 Na ^agyaa woho kasa kyerɛ obiara; nyew, kã asɛmpa no, tu fo, na da ^bnokwar no edzi, fa enyigye ndze kɛse tsea mu dɛ—Hosanna, hosanna, nhyira nkã Ewuradze Nyankopɔn ne dzin!

38 ^aBɔ mpaa aber nyina, na ^bmubohue mo Sunsum egu wo do, na wo nhyira bɛyɛ kɛse—nyew, ɔbɛyɛ mbordo mpo akyɛn dɛ ibenya asaase do sika nye ahonyadze a ɔprɔw no.

39 Hwɛ, ana nnkotum akenkan iyi a irinndzi ehurusi na mma w’akoma do wɔ enyigye mu?

40 Anaadɛ nnkotum dɛ ebɔkɔdo botu mbirika ekyin dɛ ɔkwankyerɛfo furafo?

41 Anaadɛ nnkotum dɛ ebɛyɛ ^aahobrɛadze na adwe, na edzi woho nyi wɔ nyansa mu wɔ m’enyim? Nyew, ^bbra mo hɔ, w’Agyenkwa no. Amen.