ພາກທີ 26
ການເປີດເຜີຍທີ່ມອບໃຫ້ແກ່ໂຈເຊັບ ສະມິດ ຜູ້ເປັນສາດສະດາ, ອໍລີເວີ ຄາວເດີຣີ, ແລະ ຈອນ ວິດເມີ, ທີ່ເມືອງຮາມໂມນີ ລັດເພັນໂຊເວເນຍ, ເດືອນກໍລະກົດ 1830 (ເບິ່ງ ຫົວຂໍ້ຂອງ ພາກທີ 24).
1, ເຂົາເຈົ້າໄດ້ຮັບການແນະນຳໃຫ້ສຶກສາພຣະຄຳພີ ແລະ ໃຫ້ສັ່ງສອນ; 2, ກົດແຫ່ງຄວາມເຫັນຊອບນຳກັນໄດ້ຮັບອະນຸມັດ.
1 ຈົ່ງເບິ່ງ, ເຮົາກ່າວກັບພວກເຈົ້າວ່າ ພວກເຈົ້າຈົ່ງອຸທິດເວລາແກ່ ການສຶກສາພຣະຄຳພີ, ແລະ ແກ່ການສັ່ງສອນ, ແລະ ແກ່ການຢືນຢັນສາດສະໜາຈັກຢູ່ເມືອງ ໂຄນສະວຽວ, ແລະ ແກ່ການປະຕິບັດງານຂອງພວກເຈົ້າເທິງຜືນແຜ່ນດິນ, ດັ່ງທີ່ຈຳເປັນ, ຈົນກວ່າພວກເຈົ້າຈະໄປພາກຕາເວັນຕົກເພື່ອຈັດກອງປະຊຸມໃຫຍ່ເທື່ອຕໍ່ໄປ; ແລະ ຈາກນັ້ນ ຈະເຮັດໃຫ້ເປັນທີ່ຮູ້ຈັກແກ່ພວກເຈົ້າ ວ່າພວກເຈົ້າຈະເຮັດສິ່ງໃດ.
2 ແລະ ທຸກສິ່ງຈະຕ້ອງເປັນໄປດ້ວຍ ການເຫັນຊອບນຳກັນໃນສາດສະໜາຈັກ, ໂດຍການອະທິຖານ ແລະ ມີສັດທາຢ່າງຫລວງຫລາຍ, ສຳລັບທຸກສິ່ງທີ່ພວກເຈົ້າຈະໄດ້ຮັບໂດຍສັດທາ. ອາແມນ.