Nkeji 95
Mkpughe e nyere site n’aka Joseph Smith Onye-amụma, na Kirtland, Ohio, 1 Jun 1833 (History of the Church, 1:350–352). Mkpughe nke bụ ịga-n’iru nke ntụzi-aka dị nsọ dịka iwu ụlọ nile maka ofufe na ndụmọdụ, nke ka nke ụlọ nke Onye-nwe (lee nkeji 88:119–136 na nkeji 94)
1–6, Ndị-nsọ ka a tara ahụhụ n’ihi ha enweghi ike iwu ụlọ nke Onye-nwe; 7–10, Onye-nwe chọrọ iwere ụlọ ya nye ndị ya onyinye dị-nsọ ya jiri ike sitere n’elu; 11–17, Ụlọ ahụ ka a ga-edo nsọ dịka ebe a na-efe ofufe na maka ụlọ akwụkwọ nke Ndị-ozi nile.
1 N’ezie, otu a ka Onye-nwe kwuru nye unu ndị m hụrụ n’anya, ma ndị m hụrụ n’anya ka m na kwa ata ahụhụ ka e wee nwee ike ịgbaghara mmehie ha, n’ihi na site n’ijiri ntaram ahụhụ a na m akwado ụzọ maka nnapụta ha n’ihe nile site n’ọnwụnwa, ma a hụwo m unu n’anya—
2 Ya mere, unu nwere mkpa ka a taa unu ahụhụ ma guzoro nara ịba mba n’iru m;
3 N’ihi na unu e mewo mmehie dị njọ megide m, n’ihi na unu atụgharịghị uche maka nnukwu iwu-nsọ ahụ n’ihe nile, nke m nyeworo unu gbasara iwu ụlọ nke m;
4 N’ihi na njikere nke m mere atụmatụ ya iji jikere ndị-ozi m ibecha ubi-vine m nke ikpe azụ, ka m wee weta na mmezu ọrụ dị iche m, ka m wee wụpụta Mụọ m n’elu anụ arụ nile—
5 Mana lee, n’ezie a sị m unu, na ha dị ọtụtụ ndị e chiworo echichi n’etiti unu, ndị m kpọworo mana ole na ole ka a họpụtaworo.
6 Ha ndị a n’ahọpụtaghị e mewo mmehie dị njọ, n’ihi na ha na eje-ije n’ọchịchịrị n’ehihie.
7 Ma n’ihi nke a e nyere m unu iwu-nsọ ka unu kpọọ ọgbakọ ofufe ime mụọ unu, ka ibu ọnụ nile nke unu na iri-uju unu bịarute na ntị abụọ nke Onye-nwe nke Sabaot, nke bụ na nsụgharị-asụsụ ya, onye okike nke ụbọchị mbụ, mmalite na ọgwụgwụ.
8 E, n’ezie a sị m unu, e nyere m unu iwu-nsọ na unu kwesịrị iwu ụlọ, n’ụlọ nke m mere atụmatụ ịnọ nye onyinye dị-nsọ nye ndị nke m họpụtaworo jiri ike sitere n’elu;
9 N’ihi na nke a bụ nkwa nke Nna nye unu; ya mere e nye m unu iwu ka unu nọdụ, ọbụna dịka ndị-ozi m na Jerusalem.
10 Otu o sila dị, ụmụ odibo m mere mmehie dị oke njọ; ma ndọrọ ndọrọ malitere n’ụlọ akwụkwọ nke ndị-amụma; nke bụ ihe dị oke njọ nye m, ka Onye-nwe unu kwuru; ya mere e zipuru m ha ka ataa ha ahụhụ.
11 N’ezie a sị m unu, ọ bụ uche m ka unu wuo ụlọ. Ọ bụrụ na unu edebe iwu-nsọ m nile unu ga-enwe ike iwu ya.
12 Ọ bụrụ na unu edebeghị iwu-nsọ m nile, ịhụnanya nke Nna agaghị anọgide n’etiti unu, ya mere unu ga-aga ije n’ọchịchịrị.
13 Ugbụ a nke a bụ amamihe, na uche nke Onye-nwe—ka e wuo ụlọ ahụ, ọ bụghị dịka ihe nlere-anya nke ndị ụwa, n’ihi na e nyeghị m unu na unu ga-ebi ndụ dịka n’ụdị nke ndị ụwa;
14 Ya mere, ka e wuo ya dịka n’ụdị nke m ga-egosi mmadụ atọ n’ime unu, ndị unu ga-ahọpụta ma chie ha echichi nye ike nke a.
15 Ma atụ ya ga-abụ ntụ iri-ise na ise na mbara, ma ka ọ dị ntụ iri isii na ise n’ogologo, n’ogige nke ime-ime ya.
16 Ma ka ebe dị ala n’akụkụ ogige nke ime-ime bụrụ ebe e doro nsọ nye m maka onyinye nke oriri-nsọ unu, na maka ikwu okwu chukwu, na ibu-ọnụ unu, na ikpe ekpere unu, na nnyefesị nke ọchịchọ kachasị nsọ nke unu nye m, ka Onye-nwe unu kwuru.
17 Ma ka ebe dị elu nke akụkụ ogige ime-ime bụrụ ebe e doro nsọ nye m maka ụlọ akwụkwọ nke ndị-ozi nke m, ka Ọkpara nke Ahman kwụrụ; ma-ọbụ n’okwu ndị ọzọ, Alfus; ma-ọbụ, n’okwu ndị ọzọ, Omegus; ọbụna Jisus Kraịst Onye-nwe unu. Amen.