ផែនទី ទី៥

តំបន់នៅរដ្ឋមិសសួរី, រដ្ឋអិលលីណោយ, និងរដ្ឋអៃអូវ៉ា នៅក្នុងសហរដ្ឋ

អ៊ិនឌីប៉ែនដែនស៍ សំគាល់ទុកជាកន្លែងជួបជុំគ្នានៃស៊ីយ៉ូន (សូមមើល គ. និង ស. ៥៧:៣)។ កន្លែងសម្រាប់សង់ព្រះវិហារត្រូវបានធ្វើពិធីឆ្លងនៅ ថ្ងៃទី ៣ ខែសីហា ឆ្នាំ ១៨៣១។ ពួកបរិសុទ្ធត្រូវគេបណ្ដេញចេញពីទីនេះនៅឆ្នាំ ១៨៣៣។
ទន្លេហ៊្វិស៊ីង យ៉ូសែប ស៊្មីធ និងជំរំស៊ីយ៉ូនបានធ្វើដំណើរពីក្រុងខឺតឡង់ រដ្ឋអូហៃអូ ទៅរដ្ឋមិសសួរី នៅឆ្នាំ ១៨៣៤ ដើម្បីទៅតាំងពួកបរិសុទ្ធនៅស្រុកចាកសុន ដល់ដីធ្លីរបស់គេវិញ។ គ. និង ស. ១០៥ ត្រូវបានបើកសម្ដែងប្រាប់នៅលើច្រាំងទន្លេនេះ។
ហ្វារវែស្ទ នេះគឺជាទីលំនៅដ៏ធំបំផុតរបស់ពួកមរមននៅរដ្ឋមិសសួរី។ កន្លែងមួយសម្រាប់សង់ព្រះវិហារត្រូវបានធ្វើពិធីឆ្លងនៅកន្លែងនេះ (សូមមើល គ. និង ស. ១១៥)។ នៅថ្ងៃទី៨ ខែកក្កដា ឆ្នាំ ១៨៣៨ កូរ៉ុមនៃសាវក១២នាក់ បានទទួលការហៅអំពីព្រះអម្ចាស់ ឲ្យបំពេញបេសកកម្មនៅកោះអង់គ្លេស (សូមមើល គ. និង ស. ១១៨)
អ័ដាម-អុនដៃ-អាម៉ាន ព្រះអម្ចាស់ទ្រង់បានប្រាប់ថាកន្លែងនេះដែលនៅក្នុងរដ្ឋមិសសួរីប៉ែកខាងលើ គឺជាកន្លែងនៅពេលខាងមុនសម្រាប់ជួបជុំគ្នា ក្នុងកាលព្រះយេស៊ូវគ្រីស្ទ ទ្រង់នឹងយាងមកជួបនឹងលោកអ័ដាម និងពូជពង្សដ៏សុចរិតរបស់លោក (សូមមើល គ. និង ស. ៧៨:១៥; ១០៧:៥៣–៥៧; ១១៦)។
គុកលិបើទី យ៉ូសែប ស៊្មីធ និងពួកអ្នកផ្សេងៗទៀតត្រូវបានចោទក្លែងក្លាយ ហើយជាប់គុកនៅទីនេះ ពីខែធ្នូ ឆ្នាំ ១៨៣៨ ទៅដល់ខែ មេសា ឆ្នាំ ១៨៣៩។ នៅកណ្ដាលពេលដ៏ប្រកបដោយការខ្វល់ខ្វាយដល់សាសនាចក្រ នោះយ៉ូសែបបានបួងសួងដល់ព្រះអម្ចាស់ សូមការដឹកនាំ ហើយក៏បានទទួល គ. និង ស. ១២១–១២៣។
ណៅវូ នៅឯទន្លេមិស៊ីស៊ិបពី កន្លែងនេះគឺជាកន្លែងជួបជុំគ្នាសម្រាប់ពួកបរិសុទ្ធ ពីឆ្នាំ ១៨៣៩ ទៅ ១៨៤៦។ នៅទីនេះមានព្រះវិហារមួយបានសង់ឡើង ហើយពិធីបរិសុទ្ធទាំងឡាយ ដូចជាបុណ្យជ្រមុជទឹកជំនួសមនុស្សស្លាប់ អំណោយទានពិសិដ្ឋ និងការភ្ជាប់គ្រួសារ បានចាប់ផ្ដើមឡើង។ នៅទីនេះហើយដែលសមាគមរដោះបានរៀបចំឡើង នៅឆ្នាំ ១៨៤២។ វិវរណៈទាំងឡាយដែលបានទទួលគឺ ៖ គ. និង ស. ១២៤–១២៩។
កាតធេច នៅទីនេះហើយដែលយ៉ូសែប ស៊្មីធ និងបងប្រុសលោក គឺហៃរុម ត្រូវគេធ្វើទុក្ករកម្មនៅថ្ងៃទី ២៧ ខែមិថុនា ឆ្នាំ ១៨៤៤ (សូមមើល គ. និង ស. ១៣៥)។
វិនទើរ ខួរទើរ្ស ជាទីបញ្ជាការសម្រាប់ឲ្យពួកបរិសុទ្ធស្នាក់នៅ (ឆ្នាំ ១៨៤៦–៤៨) កាលធ្វើដំណើរទៅច្រកភ្នំសលត៍លេក។ ជំរំអ៊ីស្រាអែលត្រូវបានរៀបចំឡើងសម្រាប់ការធ្វើដំណើរទៅភូមិភាគខាងលិច (គ. និង ស. ១៣៦)។
ខោនសិល ប្លើព្ស (ខេនស្វិល) គណៈប្រធានទីមួយត្រូវបានគាំទ្រនៅទីនេះ នៅថ្ងៃទី ២៧ ខែធ្នូ ឆ្នាំ ១៨៤៧ ដោយមានព្រិកហាំ យ៉ង់ ធ្វើជាប្រធាន។