៩. ព្រះវិហារខឺតឡង់
ព្រះវិហារខឺតឡង់នៅក្រុងខឺតឡង់ រដ្ឋអូហៃអូ។
ព្រឹត្តិការណ៍សំខាន់ៗ ៖ ព្រះវិហារខឺតឡង់ គឺជាព្រះវិហារទីមួយ ដែលបានសង់ឡើងនៅគ្រាត្រួតត្រាកាន់កាប់នេះ (គ. និង ស. ៨៨:១១៩; ៩៥)។ នៅក្នុងព្រះវិហារនេះ យ៉ូសែប ស៊្មីធបានឃើញការនិមិត្តមួយអំពីនគរសេឡេស្ទាល (គ. និង ស. ១៣៧)។ ព្រះវិហារនេះត្រូវបានធ្វើពិធីឆ្លងនៅថ្ងៃទី ២៧ ខែមីនា ឆ្នាំ ១៨៣៦ (គ. និង ស. ១០៩)។ នៅថ្ងៃទី ៣ ខែមេសា ឆ្នាំ ១៨៣៦ ព្រះអម្ចាស់ទ្រង់បានលេចមក ហើយបានទទួលព្រះវិហារនេះទុកជាកន្លែងមួយ ដែលទ្រង់នឹងបើកសម្ដែងប្រាប់ពីព្រះបន្ទូលរបស់ទ្រង់ដល់រាស្ត្រទ្រង់ (គ. និង ស. ១១០:១–១០)។ បន្ទាប់ពីការលេចមក នោះយ៉ូសែប ស៊្មីធ និងអូលីវើរ ខៅឌើរី បានជួបនឹងលោកម៉ូសេ លោកអេលីយ៉ាស និងលោកអេលីយ៉ា ហើយពួកគេទាំងអស់គ្នាបានប្រគល់ឲ្យគេនូវកូនសោទាំងឡាយនៃបព្វជិតភាព និងព័ត៌មានសំខាន់ៗ (គ. និង ស. ១១០:១១–១៦)។ ព្រះវិហារនេះបានតាំងឡើងសម្រាប់បម្រើពួកបរិសុទ្ធ អស់រយៈពេលពីរឆ្នាំមុនពួកគេភៀសខ្លួនចេញពីក្រុងខឺតឡង់ទៅ ដោយសារសេចក្ដីបៀតបៀន។
៩. ព្រះវិហារខឺតឡង់ ជាព្រះវិហារដែលបានសង់លើកដំបូងបង្អស់នៅគ្រាកាន់កាប់ត្រួតត្រានេះ នៅឆ្នាំ ១៨៣៦។ នៅក្នុងព្រះវិហារនេះ ព្រះយេស៊ូវគ្រីស្ទលោកម៉ូសេ លោកអេលីយ៉ាស លោកអេលីយ៉ាបានលេចមក ហើយបានតាំងឡើងវិញនូវកូនសោទាំងឡាយនៃបព្វជិតភាព (សូមមើល គ. និង ស. ១១០)។