Ko Hono Langa e Puleʻanga ʻo e ʻOtuá ʻi he Ngaahi ʻAho Kimui Ní

“Taumaiā ke ʻalu atu ʻa e puleʻanga ʻo e ʻOtuá, koeʻuhí ke hoko mai ʻa e puleʻanga ʻo e langí” (Tokāteline mo e Ngaahi Fuakava 65:6).

Naʻe tuku mai e kau maʻu Lakanga Taulaʻeiki Faka-ʻĒlone ʻi hoʻo kōlomú ki he māmaní ʻi he taimi pau ko ʻení ke nau tokoni ʻi hono teuteu e māmaní ki he Hāʻele ʻAngaua Mai ʻa e Fakamoʻuí. ʻOku ʻi ai haʻanau ngaahi meʻafoaki mo e ngaahi talēniti makehe ʻoku finangalo e ʻEikí ke nau ngāue ʻaki ke tokoni ʻi hono langa Hono puleʻangá mo vahevahe ʻEne ongoongoleleí. ʻE tokoni e ngaahi lēsoni he ʻiuniti ko ʻení ke nau fakatupulaki ai e ngaahi meʻafoaki ko iá ʻi heʻenau teuteu ke hoko ko ha kau taki mo ha kau faiako ʻi he Siasí mo e puleʻanga ʻo e ʻOtuá.

Koeʻuhí ke hoko e Fatongia ki he ʻOtuá ko ha konga ʻo e fakataha fakakōlomu he ʻaho Sāpaté, mahalo te ke fakakaukauʻi hano akoʻi e fokotuʻutuʻu ki he Fatongia ki he ʻOtuá ʻoku ʻoatu ʻi laló, lolotonga e ʻiuniti ko ʻení.

Ngaahi Fokotuʻutuʻu ke Fili mei ai ʻi he Māhiná Ni

• Te u hoko fēfē ko ha faifekau he taimí ni?

• Te u lava fēfē ʻo hoko ko ha tangata ngāue fakaetauhi lelei ange?

• Ko e hā e founga ʻoku finangalo e Tamai Hēvaní ke u fakaʻaongaʻi ai ʻeku ngaahi meʻafoaki fakalaumālié?

• Te u teuteu fēfē ke fokotuʻu ha ʻapi ʻoku fakatefito ʻia Kalaisi?

• Ko e hā te u lava ʻo fai ke tokoniʻi ʻa e kau mēmipa foʻou ʻo e Siasí?

• Te u lava ʻo tokoni fēfē ki hoku kaungāmeʻa māmālohí ke nau foki mai ki he lotú?

• Ko e hā ʻa Saione?

• Te u tokoni fēfē ke fakavaveʻi e ngāue ʻa e ʻEikí?

Mutualé

Fakakaukau ki he founga te ke lava ʻo palani ai e ngaahi ʻekitivitī ʻoku fehokotaki mo e meʻa ʻoku ako ʻe he toʻu tupú. ʻOku ʻi ai ha saiti ki he Ngaahi ʻEkitivitī ʻa e Toʻu Tupú ke tokoni atu kiate koe. Ko e lahi taha ʻa e ngaahi ʻekitivitī ako ʻi he ngaahi fokotuʻutuʻu ko ʻení ʻe lava ke fakaʻaongaʻi ia ʻi he ngaahi ʻekitivitī ʻa e Mutualé. Ngāue fakataha mo e kau palesitenisī fakakōlomú ke fili mo palani ha ngaahi ʻekitivitī lelei ke fakamamafaʻi e meʻa ʻoku ako ʻe he kau talavoú ʻi he ʻaho Sāpaté.

Fatongia ki he ʻOtuá

ʻOku fekauʻaki ʻa e ngaahi konga ko ʻeni mei he tohi Fatongia ki he ʻOtuá mo e ngaahi lēsoni ʻi he ʻiuniti ko ʻení:

“Mahino ʻa e Tokāteliné,” peesi 18–20, 42–44, 66–68

“Fakaafeʻi ‘a e Kakai Kotoa pē ke Haʻu Kia Kalaisi,” peesi 28–29, 52–53, 76–77