Cakacakatabu Vakalotu kei na Veiyalayalati
“Ena vakatakilai … na kaukauwa ni bula vakalou ena kena veicakacaka vakalotu” (Vunau kei na Veiyalayalati 84:20).
Na ituvatuva ena tabana oqo ena vukei ira na cauravou mera kila deivaki na cakacaka vakalotu kei na veiyalayalati ni matabete. Na veika era sa cokonaki kina ena tabana oqo ena rawa ni vukei ira mera taleitaka ka doka na veiyalayalati era sa cakava oti tu ka kakavaki yani ki na cakacaka vakalotu era na ciqoma ena veisiga ni mataka, oka kina na veitabaki ki na Matabete i Melikiseteki kei na cakacaka vakalotu ni valetabu. Me kena ikuri, sa gadrevi vakaidina sara vei ira na lewe ni Matabete i Eroni mera kila deivaki na cakacaka vakalotu ni kosipeli, baleta ni ra sa kacivi mera qarava na cakacaka vakalotu ni sakaramede, papitaiso, kei na nodra tabaki eso tale ki na Matabete i Eroni.
iTuvatuva mo Digidigi mai kina ena Vula Oqo:
Muavata
Vakasamataka na navuci ni so na itaviqaravi ka salavata kei na veika era sa vulica tiko na itabagone. Na mataveilawa ni iTaviqaravi ni iTabagone ni Lotu sa vakarautaki tu me vukei iko. E vuqa na itaviqaravi vakavuli ena idusidusi oqo e rawa talega ni veivuke vinaka sara ena veitaviqaravi ni Muavata. Cakacaka vata kei iratou na mataveiliutaki ni kuoramu mo digitaka ka tuvana na veitaviqaravi matau e na vaqaqacotaka na veika era vulica na cauravou ena Sigatabu.
iTavi Vua na Kalou
Na veiwase oqo mai na ivola ni iTavi Vua na Kalou era semati ki na veilesoni ena tabana oqo:
“Qarava na Cakacaka Vakalotu ni Matabete,” draunipepa 24–25, 48–49, 72–73