Ngaahi Ouaú mo e Ngaahi Fuakavá
“ʻOku fakahā ʻi hono ngaahi ouaú ʻa e mālohi ʻo e anga faka-ʻOtuá” (Tokāteline mo e Ngaahi Fuakava 84:20).
ʻE tokoni ʻa e ngaahi fokotuʻutuʻu ʻi he ʻiuniti ko ʻení ke mahino ki he kau talavoú ʻa e ngaahi ouau mo e ngaahi fuakava ʻo e lakanga fakataulaʻeikí. ʻE lava ʻo tokoni ʻa e ngaahi aʻusia te nau maʻu ʻi he ʻiuniti ko ʻení ke nau fakahoungaʻi mo fakahoko ʻenau ngaahi fuakava kuo nau ʻosi fakahokó mo nofo ʻamanaki atu ki he ngaahi ouau te nau maʻu ʻi he kahaʻú, kau ai e fakanofo ki he Lakanga Taulaʻeiki Faka-Melekisētekí mo e ngaahi ouau ʻo e temipalé. ʻIkai ngata aí, ʻoku fie maʻu makehe ʻa e kau maʻu Lakanga Taulaʻeiki Faka-ʻĒloné ke mahino kiate kinautolu e ngaahi ouau ʻo e ongoongoleleí koeʻuhí he ʻoku ui kinautolu ke nau fakahoko e ngaahi ouau ʻo e sākalamēnití, papitaisó, mo e fakanofo ʻo ha niʻihi kehe ki ha ngaahi tuʻunga ʻi he Lakanga Taulaʻeiki Faka-ʻĒloné.
Ngaahi Fokotuʻutuʻu ke Fili mei ai ʻi he Māhiná Ni
Mutualé
Fakakaukau ki he founga te ke lava ʻo palani ai e ngaahi ʻekitivitī ʻoku fehokotaki mo e meʻa ʻoku ako ʻe he toʻu tupú. ʻOku ʻi ai ha saiti ki he Ngaahi ʻEkitivitī ʻa e Toʻu Tupú ke tokoni atu kiate koe. Ko e lahi taha ʻa e ngaahi ʻekitivitī ako ʻi he ngaahi fokotuʻutuʻu ko ʻení ʻe lava ke fakaʻaongaʻi ia ʻi he ngaahi ʻekitivitī ʻa e Mutualé. Ngāue fakataha mo e kau palesitenisī fakakōlomú ke fili mo palani ha ngaahi ʻekitivitī lelei ke fakamamafaʻi e meʻa ʻoku ako ʻe he kau talavoú ʻi he ʻaho Sāpaté.
Fatongia ki he ʻOtuá
ʻOku fekauʻaki e ngaahi konga ko ʻeni mei he tohi Fatongia ki he ʻOtuá mo e ngaahi lēsoni ʻi he ʻiuniti ko ʻení:
“Fakahoko e Ngaahi Ouau ʻo e Lakanga Fakataulaʻeikí,” peesi 24–25, 48–49, 72–73