Ko e Palani ʻo e Fakamoʻuí
“Ko ʻeku ngāué ʻeni mo hoku nāunaú—ke fakahoko ʻa e moʻui taʻe-faʻa-mate mo e moʻui taʻengata ʻa e tangatá” (Mōsese 1:39).
ʻOku mahuʻinga hono maʻu e mahino ki he palani ʻo e fakamoʻuí ki he ako fakalaumālié. Ko e meʻa kotoa pē ʻoku ako ʻe ha talavou fekauʻaki mo e ongoongoleleí—mo ia ʻokú ne ako fekauʻaki mo e ngaahi meʻa fakatuʻasinó—ʻoku totonu ke fakafekauʻaki ia mo e fakamatala ʻo e palani ʻo e fakamoʻuí koeʻuhí ke ne lava ʻo ʻilo ʻa e meʻa ʻoku mahuʻinga taʻengatá mo ia ʻoku ʻikaí. Ko e taimi ʻoku mahino moʻoni ai ki ha talavou ʻa e palani ʻo e fakamoʻuí, ʻoku moʻui leva ʻi ha taumuʻa ʻoku māʻolunga ange. ʻOkú ne lau hono ngaahi ʻahiʻahiʻí mo e ngaahi faingataʻá ko ha ngaahi faingamālie ke tupulaki ai. ʻOkú ne fai e ngaahi filí ʻo makatuʻunga ʻi he ngaahi nunuʻa taʻengatá kae ʻikai feinga ki ha fakahōhōloto he taimi pē ko iá. ʻOkú ne lava ʻo maʻu ʻa e fiefiá mo e nēkeneká.
Koeʻuhí ke hoko e Fatongia ki he ʻOtuá ko ha konga ʻo e fakataha fakakōlomu he ʻaho Sāpaté, mahalo te ke fakakaukauʻi hano akoʻi e fokotuʻutuʻu ki he Fatongia ki he ʻOtuá ʻoku ʻoatu ʻi laló, lolotonga e ʻiuniti ko ʻení.
Ngaahi Fokotuʻutuʻu ke Fili mei ai ʻi he Māhiná Ni
Mutualé
Fakakaukau ki he founga te ke lava ʻo palani ai ha ngaahi ʻekitivitī ʻoku fakafehokotaki mo e meʻa ʻoku ako ʻe he toʻu tupú. ʻOku ʻi ai ha saiti ki he Ngaahi ʻEkitivitī ʻa e Toʻu Tupú ke tokoni atu kiate koe. Ko e lahi taha ʻa e ngaahi ʻekitivitī ako ʻi he ngaahi fokotuʻutuʻu ko ʻení ʻe lava ke fakaʻaongaʻi ia ʻi he ngaahi ʻekitivitī ʻa e Mutualé. Ngāue fakataha mo e kau palesitenisī fakakōlomú ke fili mo palani ha ngaahi ʻekitivitī lelei ke fakamamafaʻi e meʻa ʻoku ako ʻe he kau talavoú ʻi he ʻaho Sāpaté.
Fatongia ki he ʻOtuá
ʻOku fekauʻaki e ngaahi konga ko ʻeni mei he tohi Fatongia ki he ʻOtuá mo e ngaahi lēsoni ʻi he ʻiuniti ko ʻení:
“Ngaahi Fatongia ʻo e Lakanga Fakataulaʻeikí,” peesi 22, 46–47, 70–71
“Fakaafeʻi ʻa e Kakai Kotoa pē ke Haʻu kia Kalaisi,” peesi 28–29, 52–53, 76–77