Сүнслэг болон материаллаг байдлын хувьд бие даах нь

“Учир нь хүч тэдэнд буй, үүгээр тэд өөрсдийнхөө төлөө сонгогчид юм” (C ба Г 58:28).

Энэ бүлгийн тоймууд нь сүнслэг ба материаллаг байдлын хувьд бие даахын чухлыг ойлгоход залуу эмэгтэйчүүдэд туслах болно. Хэдий тэд өсвөр насныхан ч эдгээр залуу эмэгтэй сонгох эрх чөлөөгөөр адислагдсан ба өөрсдийн замыг хэрхэн сонгохыг мөн Есүс Христийн сайн мэдээнээс өөрсдийн асуудлуудад хариулт хэрхэн олохыг сурч байгаа юм. Тэд бие даах тусам илүү их эрх чөлөөг эдлэх болно. Тэд Их Эзэнд үйлчилж, гэр бүлээ хүчирхэгжүүлэн, эхнэр, эх хүн болох ирээдүйн үүргээ биелүүлэхдээ илүү ихээр бэлтгэгдсэн байх болно.

Энэ сард сонгох тоймууд:

• Бие даасан байдалтай байна гэдэг нь юу гэсэн үг вэ?

• Би хөрвөгдөж байгаа эсэхээ хэрхэн мэдэх вэ?

• Яагаад боловсрол эзэмшиж, ур чадвараа хөгжүүлэх нь надад чухал вэ?

• Яагаад ажиллаж хөдөлмөрлөх нь сайн мэдээний чухал зарчим байдаг вэ?

• Яагаад Их Эзэн намайг эрүүл байгаасай хэмээн хүсдэг вэ?

• Их Эзэн ямар арга замаар ядуус болон тусламж хэрэгтэй хүмүүсийг халамжилдаг вэ?

• Би тулгарсан бэрхшээл, асуудлуудаа шийдэх арга замыг хэрхэн олох вэ?

Мючел

Өсвөр үеийнхний суралцаж байгаа зүйлстэй үйл ажиллагаануудаа хэрхэн холбон төлөвлөж болохыг бодож үз. Сүмийн Өсвөр үеийнхний үйл ажиллагааны сайтаас тусламж авч болно. Түүнчлэн эдгээр тойм дээрх суралцах олон үйл ажиллагааг Мючелийн үйл ажиллагаанд үр дүнтэй ашиглах боломжтой. Ням гарагт залуу эмэгтэйчүүдийн ойлгож мэдсэн зүйлийг бататгахын тулд тохиромжтой үйл ажиллагаануудыг сонгон авч, төлөвлөхдөө ангийн ерөнхийлөгчийн зөвлөлтэй хамтран ажилла.

Хувийн хөгжил дэвшил

Хувийн хөгжил дэвшил номын дараах үйл ажиллагаанууд энэ бүлгийн хичээлүүдтэй холбоотой. Үүнд:

• Бурханлаг мөн чанар эрхэмлэх чанарыг хөгжүүлэх төсөл 1, 4

• Хувь хүний үнэ цэн эрхэмлэх чанарыг хөгжүүлэх туршлага 4 ба эрхэмлэх чанарыг хөгжүүлэх төсөл 3, 5

• Мэдлэг эрхэмлэх чанарыг хөгжүүлэх туршлага ба төслүүд

• Сонголт ба хариуцлага эрхэмлэх чанарыг хөгжүүлэх туршлага 1, 7 ба эрхэмлэх чанарыг хөгжүүлэх төсөл 5

• Сайн үйлс эрхэмлэх чанарыг хөгжүүлэх туршлага 6

Өсвөр үеийнхний бат бөх байдлын төлөө

Өсвөр үеийнхний бат бөх байдлын төлөө товхимол дахь дараах жишгүүд энэ бүлгийн хичээлүүдтэй холбоотой. Үүнд:

• Боловсрол

• Аравны нэг ба өргөлүүд

• Ажил хөдөлмөр ба бие даах чадвар