Ola Tutoatasi Faaleagaga ma Faaletino

“Aua ua i totonu ia te i latou le mana, lea ua latou pule ai ia te i latou lava” (Mataupu Faavae ma Feagaiga 58:28).

O otootoga i lenei iunite o le a fesoasoani i tamaitai talavou ina ia malamalama i le taua o le ola tutoatasi faaleagaga ma faaletino. E ui o loo latou i ai i lo latou talavou, ua faamanuiaina nei tamaitai talavou i le meaalofa o le faitalia, ma o loo latou aoao pe faapefea ona faatulaga o latou lava ala ma maua ai tali i a latou lava faafitauli i le talalelei a Iesu Keriso. O le tele o le latou ola tutoatasi, o le tele foi lena o le saolotoga o le a latou olioli ai. O le a sili atu ona latou saunia e auauna atu i le Alii, faamalosia o latou aiga, ma faataunuu o latou matafaioi o le lumanai o ni ava ma ni tina.

Otootoga e Filifili mai ai i le Masina Lenei

• O le a le uiga o le ola tutoatasi?

• E faapefea ona ou iloa pe ua amata ona ou liua?

• Aisea e taua ai lou mauaina o se aoaoga ma atiina ae ni tomai?

• Aisea e avea ai le galue ma se mataupu faavae taua o le talalelei?

• Aisea e finagalo ai le Alii ina ia ou malosi ma maloloina?

• O le a le ala a le Alii mo le tausiaina o e matitiva ma e le tagolima?

• E mafai faapefea ona ou maua ni fofo i a’u luitau ma faafitauli?

Mutuale

Mafaufau pe mafai faapefea ona e fuafuaina gaoioiga ia e fesootai ma mea o loo aoaoina e le autalavou. O loo avanoa le saite o Gaoioiga a le Autalavou a le Ekalesia e fesoasoani ia te oe. O le tele o gaoioiga e aoao ai i nei otootoga e mafai foi ona avea o ni gaoioiga anoa o le Mutuale. Galulue ma au peresitene o vasega e filifili ma fuafua gaoioiga talafeagai ia e faamalosia ai mea na aoaoina e tamaitai talavou i le Aso Sa.

Alualu i Luma o le Tagata Lava Ia

O gaoioiga nei mai le Alualu i Luma o le Tagata Lava Ia e fesootai ma lesona i le iunite lenei:

• Galuega faatino o le tulaga faatauaina o le Amio Atua 1 ma le 4

• O mea faatonuina e fai mo le tulaga faatauaina o le Taua o le Tagata Lava Ia 4, galuega faatino o le tulaga faatauaina 3 ma le 5

• O mea faatonuina e fai po o galuega faatino mo le tulaga faatauaina o le Poto

• O mea faatonuina e fai mo le tulaga faatauaina o le Filifiliga ma le Tali Atu mo A’u Lava 1 ma le 7, galuega faatino o le tulaga faatauaina 5

• O mea faatonuina e fai mo le tulaga faatauaina o le Galuega Lelei 6

Mo Le Malosi o le Autalavou

O tulaga faatonuina nei mai Mo Le Malosi o le Autalavou e fesootai ma lesona i lenei iunite:

• Aoaoga

• Sefuluai Ma Taulaga

• Galue ma le Ola Tutoatasi